மலேசியாவுக்கு எதிரான ஆக்கி - இந்திய பெண்கள் அணி 2வது வெற்றி

கோலாலம்பூர்:

மலேசியாவுக்கு சென்றுள்ள இந்திய பெண்கள் ஆக்கி அணி 5 போட்டிகள் கொண்ட தொடரில் விளையாடி வருகிறது. இதில் முதல் போட்டியில் 3-0 என்ற கோல் கணக்கில் வென்ற இந்தியா 1-0 என முன்னிலை வகித்தது.

இந்நிலையில், மலேசியா, இந்தியா அணிகள் மோதும் இரண்டாவது போட்டி நேற்று கோலாலம்பூரில் நடைபெற்றது.

இந்த போட்டியிலும் முழுமையாக ஆதிக்கம் செலுத்திய இந்தியா 5 - 0 என்ற கோல் கணக்கில் மலேசியாவை வீழ்த்தியது. இந்திய தரப்பில் நவ்ஜோத் கவுர், வந்தனா, நவ்னீத் கவுர், லால்ரெம்சியாமி, நிக்கி பிரதான் ஆகியோர் தலா ஒரு கோல் அடித்தனர். 

இதன்மூலம் இந்திய அணி 2 -0 என்ற கணக்கில் முன்னிலை வகிக்கிறது. இரு அணிகளுக்கு இடையிலான மூன்றாவது போட்டி நாளை நடக்கிறது. #India #Malaysia #WomenHockey