புரோ கபடி லீக் - புனே அணியை வீழ்த்தி ஐந்தாவது வெற்றியை பதிவுசெய்தது பெங்கால் வாரியர்ஸ் அணி

அகமதாபாத்:

12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவில் நடந்து வருகிறது. தற்போது இண்டர்ஜோன் ஆட்டங்கள் நடைபெற்று வருகின்றன.

குஜராத்தில் இன்று நடைபெற்ற லீக் ஆட்டத்தில் புனே பல்டன் அணியும், பெங்கால் வாரியர்ஸ் அணியும் மோதின.

ஆட்டத்தின் தொடக்கத்தில் இருந்து இரு அணி வீரர்களும் சிறப்பாக ஆடினர். இதனால் ஆட்டத்தின் முதல் பாதியில் 13 - 12 என்ற புள்ளிக்கணக்கில் பெங்கால் வாரியர்ஸ் அணி முன்னிலை வகித்தது.

ஆட்டத்தின் இரண்டாவது பாதியிலும் பெங்கால் வாரியர்ஸ் அணிக்கு புனே பல்டன் அணி வீரர்கள் கடும் நெருக்கடியை ஏற்படுத்தினர்.

இறுதியில், பரபரப்பான கட்டத்தில் பெங்கால் வாரியர்ஸ் அணி 26 - 22 என்ற புள்ளிக்கணக்கில் புனே பல்டன் அணியை வீழ்த்தியது. இந்த வெற்றி மூலம் பெங்கால் அணி ஐந்தாவது வெற்றியை பெற்றது. #ProKabaddi