செய்திகள்
புரோ கபடி லீக் - டெல்லி அணியை வீழ்த்தி ஐந்தாவது வெற்றியை பதிவுசெய்தது குஜராத்
புரோ கபடி லீக் போட்டியில் உபியில் நேற்று நடந்த ஆட்டத்தில் டெல்லி அணியை வீழ்த்திய குஜராத் அணி தனது ஐந்தாவது வெற்றியை பதிவுசெய்தது. #ProKabaddi
லக்னோ:
12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவில் நடந்து வருகிறது. இதில் உபி மாநிலத்தில் நேற்று நடந்த லீக் ஆட்டத்தில் டெல்லி தபாங் அணியும், குஜராத் பார்ச்சுன் ஜயண்ட்ஸ் அணியும் மோதின.
ஆட்டத்தின் தொடக்கத்தில் இருந்தே குஜராத் அணி அபாரமாக விளையாடியது. இதனால் முதல் பாதியில் அந்த அணி 27 - 18 என்ற புள்ளிக் கணக்கில் முன்னிலை பெற்றது. இரண்டாவது பாதியிலும் குஜராத் அணி சிறப்பாக ஆடியது.
இறுதியில், டெல்லி அணியை 45 -38 என்ற புள்ளிக்கணக்கில் வீழ்த்தி குஜராத் அணி அபார வெற்றி பெற்றது. இது குஜராத் அணிக்கு கிடைத்த ஐந்தாவது வெற்றி என்பது குறிப்பிடத்தக்கது. #ProKabaddi