ஆசிய விளையாட்டு - மலேசியாவை வீழ்த்தி பைனலுக்கு முன்னேறியது இந்திய பெண்கள் ஸ்குவாஷ் அணி

ஜகார்த்தா:

இந்தோனேசியாவில் நடைபெற்று வரும் ஆசிய விளையாட்டுப் போட்டியில் பெண்கள் ஸ்குவாஷ் அணிகளுக்கான பிரிவில் அரையிறுதி ஆட்டங்கள் நடைபெற்றன. இதில் ஒரு ஆட்டத்தில், இந்திய அணி, மலேசிய அணியை எதிர்கொண்டது.

இதில், ஜோஸ்னா சின்னப்பா, தீபிகா பல்லிகல், சுனன்யா, தான்வி ஆகியோர் அடங்கிய இந்திய அணி, 2-0 என்ற கணக்கில் வெற்றி பெற்று இறுதிப்போட்டிக்கு முன்னேறியது. இதன்மூலம் அவர்களுக்கு வெள்ளிப் பதக்கம் உறுதியாகி உள்ளது.

மற்றொரு அரையிறுதி ஆட்டத்தில் ஹாங்காங்- ஜப்பான் அணிகள் மோதுகின்றன. இதில் வெற்றி பெறும் அணியுடன், இந்திய அணி தங்கப் பதக்கத்துக்கான இறுதிப் போட்டியில் பலப்பரீட்சை நடத்த உள்ளது. #AsianGames2018 #IndianSquashTeam