பிரெஞ்ச் ஓபன் டென்னிசில் லாத்வியா வீராங்கனை ஆஸ்டாபென்கோ சாதனை

பிரெஞ்ச் ஓபன் டென்னிசில் பெண்கள் ஒற்றையர் பிரிவில் நேற்று நடந்த அரைஇறுதியில் லாத்வியா வீராங்கனை ஜெலினா ஆஸ்டாபென்கோ 7-6 (7-4), 3-6, 6-3 என்ற செட் கணக்கில் சுவிட்சர்லாந்தின் பாக்சின்ஸ்கியை வீழ்த்தி இறுதிப்போட்டிக்கு முன்னேறினார்.

2 மணி 24 நிமிடங்கள் இந்த ஆட்டம் நீடித்தது. லாத்வியா நாட்டவர் ஒருவர் கிராண்ட்ஸ்லாம் போட்டியில் இறுதி சுற்றை எட்டுவது இதுவே முதல் முறையாகும். உலக தரவரிசையில் 47-வது இடத்தில் உள்ள ஆஸ்டாபென்கோவுக்கு நேற்று 20-வது பிறந்த நாளாகும். பிறந்த நாள் பரிசாக இந்த வெற்றி அவருக்கு கிடைத்திருக்கிறது.