பளு தூக்கும் போட்டியில் ஜார்ஜியா வீரர் உலக சாதனை

பளு தூக்கும் போட்டியின் 105 கிலோ உடல் எடைக்கும் மேற்பட்ட பிரிவில் ஜார்ஜியா வீரர் லஷ்கா புதிய உலக மற்றும் ஒலிம்பிக் சாதனை படைத்தார்.

22 வயதான அவர் ஸ்னாட்ச் முறையில் 215 கிலோவும், கிளின் அன்ட் ஜொக் முறையில் 258 கிலோவும் ஆக மொத்தம் 473 கிலோ தூக்கி சாதனை புரிந்தார். அவர் ஈரான் வீரர் சலமிக்கு அதிர்ச்சி கொடுத்து இந்த சாதனையை படைத்தார்.

ஆர்மேனிய வீரர் மின் சயான் 451 கிலோ தூக்கி வெள்ளி பதக்கமும், மற்றொரு ஜார்ஜிய வீரர் துர்மென்தஷ் 448 கிலோ தூக்கி வெண்கலமும் வென்றனர்.