சோனியா காந்தி பிறந்த நாள்: பிரதமர் மோடி, மு.க. ஸ்டாலின் வாழ்த்து

காங்கிரஸ் கட்சியின் முன்னாள் தேசிய தலைவரும், காங்கிரஸ் கட்சியின் நாடாளுமன்ற இரு அவைகளின் குழு தலைவருமான சோனியா காந்தியின் பிறந்த நாள் இன்று. 77 வயது முடிவடைந்து 78-வது வயதில் அடியெடுத்து வைத்துள்ளார்.

பிறந்தநாளையொட்டி சோனியா காந்திக்கு தமிழக முதலமைச்சர் மு.க. ஸ்டாலின் வாழ்த்து தெரிவித்துள்ளார். அவர் தனது வாழ்த்துச் செய்தியில் "அர்ப்பணிப்புள்ள பொது வாழ்க்கையின் உதாரணமாக விளங்கும் காங்கிரஸ் மூத்த தலைவர் சோனியா காந்திக்கு பிறந்த நாள் வாழ்த்துகள்.

நல்ல ஆரோக்கியத்துடன் நீண்ட ஆயுளுடன் வாழ வாழ்த்துகிறேன். எதேச்சதிகார சக்திகளிடமிருந்து இந்தியாவைக் காப்பாற்றும் முயற்சியில் அவரது அனுபவம் தொடர்ந்து வழிகாட்டும் வெளிச்சமாக இருக்கட்டும்" எனக் குறிப்பிட்டுள்ளார்.

பிரதமர் மோடி தனது வாழ்த்துச் செய்தியில் "சோனியா காந்திக்கு பிறந்த நாள் வாழ்த்துகள். அவர் நீண்ட ஆயுளுடன், ஆரோக்கியத்துடன் வாழ அருள் புரியட்டும்" எனக் குறிப்பிட்டுள்ளார்.