மிசோரம் தேர்தலுக்கான 39 வேட்பாளர்களின் பட்டியலை வெளியிட்டது காங்கிரஸ்
- மிசோரம் மாநிலத்திற்கு வரும் நவம்பர் 7-ம் தேதி ஒரே கட்டமாக சட்டமன்ற தேர்தல் நடத்தப்படுகிறது.
- காங்கிஸ் கட்சியின் மாநிலத் தலைவர் லால்சவ்தா அய்ஸ்வால் மேற்கு-3 தொகுதியில் களமிறங்குகிறார்.
மிசோரம் சட்டமன்றத் தேர்தலுக்கான 39 வேட்பாளர்கள் அடங்கிய பட்டியலை காங்கிரஸ் வெளியிட்டுள்ளது. மிசோரமில் சட்டமன்றத் தேர்தலில் போட்டியிடும் கட்சி வேட்பாளர்களுக்காக பிரச்சாரம் செய்வதற்காக காங்கிரஸ் எம்.பி., ராகுல் காந்தி இரண்டு நாள் பயணமாக ஐஸ்வால் நகருக்கு சென்றார். இந்நிலையில், வேட்பாளர்களின் பெயர்கள் அறிவிக்கப்பட்டுள்ளன.
இதில், காங்கிஸ் கட்சியின் மாநிலத் தலைவர் லால்சவ்தா அய்ஸ்வால் மேற்கு-3 தொகுதியில் களமிறங்குகிறார். லால்னுன்மாவியா சுவாங்கோ ஐஸ்வால் வடக்கு- Iல் போட்டியிட பரிந்துரைக்கப்பட்டுள்ளார்.
லால்ரிந்திகா ரால்டே ஹச்சேக், லால்மிங்தங்கா சைலோ தம்பா மற்றும் லால்ரின்மாவியா ஐஸ்வால் வடக்கு-II தொகுதியில் போட்டியிடுகின்றனர்.
40 உறுப்பினர்களை கொண்ட மிசோரம் மாநிலத்திற்கு வரும் நவம்பர் 7-ம் தேதி ஒரே கட்டமாக சட்டமன்ற தேர்தல் நடத்தப்பட்டு டிசம்பர் 3-ம் தேதி வாக்கு எண்ணிக்கை நடைபெற உள்ளது குறிப்பிடத்தக்கது.