செய்திகள்
முன்னாள் பிரதமர் மன்மோகன் சிங் எய்ம்ஸ் மருத்துவமனையில் இருந்து டிஸ்சார்ஜ்
காங்கிரஸ் கட்சியின் முன்னாள் தலைவரும், மக்களவை எம்.பி.யுமான ராகுல் காந்தி எய்ம்ஸ் மருத்துவமனைக்கு நேரில் சென்று மன்மோகன்சிங் உடல்நிலை குறித்து கேட்டறிந்தார்.
புதுடெல்லி:
முன்னாள் பிரதமா் மன்மோகன் சிங் (89), காய்ச்சல் மற்றும் உடல்சோர்வு காரணமாக கடந்த 13-ம் தேதி டெல்லி எய்ம்ஸ் மருத்துவமனையில் அனுமதிக்கப்பட்டார்.
மன்மோகன் சிங் அபாய கட்டத்தைத் தாண்டிவிட்டார். அவரது உடல்நிலை சீராக உள்ளது என எய்ம்ஸ் மருத்துவமனை அறிக்கை வெளியிட்டது.
மத்திய சுகாதாரத் துறை மந்திரி மன்சுக் மாண்டவியா, மருத்துவமனைக்குச் சென்று மன்மோகன் சிங் உடல்நலம் குறித்து விசாரித்தார்.
தொடர்ந்து சோர்வாக இருந்த அவருக்கு டெங்கு பாதிப்பு உறுதி செய்யப்பட்டது. எனவே டாக்டர் நிதிஷ் நாயக் தலைமையிலான மருத்துவக் குழு மன்மோகன் சிங்குக்கு தீவிர சிகிச்சை அளித்து வந்தது. தொடர் சிகிச்சையின் பலனாக அவர் குணமடைந்தார்.
இந்நிலையில், டெல்லி எய்ம்ஸ் மருத்துவமனையில் இருந்து மன்மோகன் சிங் டிஸ்சார்ஜ் செய்யப்பட்டார். இந்த தகவலை எய்ம்ஸ் மருத்துவமனை வட்டாரங்கள் தெரிவித்துள்ளன.
இதையும் படியுங்கள்...உத்தரகாண்ட் சாலை விபத்து - பிரதமர் மோடி, முதல் மந்திரி நிதியுதவி