இந்தியா வருகிறார் பாப் பாடகர் ஜஸ்டின் பீபர்

புதுடெல்லி:

கனடாவைச் சேர்ந்த பிரபல பாப் இசை பாடகர் ஜஸ்டின் பீபர், 22 வயதான இவர் சிறு வயது முதலே பாப் இசையில் கலக்கி வருகிறார். இவரது இசை ஆல்பங்கள் எல்லாமே ரசிகர்களின் அமோக ஆதரவால் மில்லியன் ஹிட்கள் அடித்து வருகின்றவை. மிகக் குறைந்த வயதிலேயே கிராமி விருது உள்பட பல விருதுகளை வென்றவர்.

இந்நிலையில் இந்திய இசை ரசிகர்களுக்கு விருந்தளிக்கும் வகையில், ஜஸ்டின் பீபர் இந்தியாவுக்கும் வருகை தர இருக்கிறார். இந்த ஆண்டில், உலகம் முழுவதும் பல நாடுகளுக்குச் சென்று இசை நிகழ்ச்சி மேற்கொள்ள இருக்கும் அவர் இந்தியாவிற்கும் வருகை தர உள்ளார். 

மும்பையில் உள்ள டி.ஓய்.பாட்டீல் ஸ்டேடியத்தில் பீபரின் இசைக் நிகழ்ச்சி நடைபெற உள்ளது. இந்த தகவலை நிகழ்ச்சி ஏற்பாட்டாளர்கள் உறுதி செய்துள்ளனர்.

ஜஸ்டீன் பீபரின் இசை நிகழ்ச்சி இந்தியாவில் நடைபெற இருப்பது அவரது ரசிகர்களுக்கு உற்சாகத்தை கொடுத்துள்ளது.