உள்ளூர் செய்திகள்
- 5 லட்சம் மரக்கன்றுகள் நடப்படும் தமிழக முதல் -அமைச்சர் அறிவித்தார்.
- ஒசூர் - தேன்கனிக்கோட்டை வழி, தளி சாலையில் மரக்கன்று நடும் விழா நடந்தது.
ராயக்கோட்டை,
கிருஷ்ணகிரி மாவட்டம் ராயக்கோட்டை நெடுஞ்சாலைதுறை மூலம் முன்னாள் முதல் அமைச்சர் கருணாநிதியின் 100-வது பிறந்தநாளை முன்னிட்டு நெடுஞ்சாலைதுறை மூலம் 5 லட்சம் மரக்கன்றுகள் நடப்படும் என மானிய கோரிக்கையில் தமிழக முதல் -அமைச்சர் மு.க.ஸ்டாலின் தொடங்கி வைத்தார்.
அதனை தொடர்ந்து தேன்கனிக்கோட்டை உட்கோட்டத்துக்குட்பட்ட ராயக்கோட்டை சாலை மற்றும் ஒசூர் - தேன்கனிக்கோட்டை வழி, தளி சாலையில் மரக்கன்று நடும் விழா நடந்தது.
இதில் நெடுஞ்சாலைதுறை உதவி கோட்ட பொறியாளர் திருமால் செல்வன், உதவி பொறியாளர் மன்னர் மன்னன், இளநிலை பொறியாளர் டேவிட், சாலை ஆய்வாளர்கள், சாலை பணியாளர்கள் உள்பட பலர் கலந்து கொண்டனர்.