வேடசந்தூர் அருகே கண்டெய்னர் மீது வேன் மோதல்- டிரைவர் உடல் நசுங்கி பலி

வேடசந்தூர்:

மதுரையில் இருந்து கரூர் நோக்கி வேன் ஒன்று இன்று காலை சென்று கொண்டிருந்தது. வேனை டிரைவர் ஸ்ரீராம் (வயது 30). ஓட்டி வந்தார். இந்த வேன் வேடசந்தூர் அருகே விருதலைப்பட்டி என்ற இடத்தில் சென்று கொண்டிருந்தது. அப்போது முன்னால் சென்ற கண்டெய்னர் லாரியை வேன் முந்தி செல்ல முயன்றது. ஆனால் எதிர்பாராதவிதமாக வேன் கண்டெய்னரின் பின்பகுதியில் மோதியது. இந்த விபத்தில் வேன் டிரைவர் ஸ்ரீராம் சம்பவ இடத்தில் உடல் நசுங்கி பலியானார்.

இது குறித்து கூம்பூர் போலீஸ் சப்-இன்ஸ்பெக்டர் வேல்ராஜ் தலைமையிலான போலீசார் வழக்குபதிவு செய்து விசாரணை நடத்தி வருகிறார்கள்.