பொள்ளாச்சியில் டாஸ்மாக் மது பாரில் தகராறு- தொழிலாளி அடித்துக்கொலை

பொள்ளாச்சி:

பொள்ளாச்சி முனிசிபல் ரோடு பகுதியில் டாஸ்மாக் கடை செயல்பட்டு வருகிறது. இதனையொட்டி மதுபாரும் உள்ளது. தீபாவளியையொட்டி இன்று 12 மணிக்கு மதுக்கடை திறக்கப்பட்டதும் கூட்டம் அதிமாக இருந்தது.

சிவகங்கை மாவட்டம் காளையார் கோவிலை சேர்ந்த ஆனந்த் என்பவரும் மது குடிக்க வந்தார். ஆனந்த் கடந்த 6 ஆண்டுகளாக பொள்ளாச்சியில் தங்கி கூலிவேலை செய்து வந்தார். அதே நேரத்தில் பொள்ளாச்சி குமரன் நகரை சேர்ந்த போஸ் என்பவர் தனது நண்பருடன் மதுக்குடிக்க வந்தார்.

போதை தலைக்கேறியதும் ஆனந்துக்கும் போசுக்கும் இடையே வாக்குவாதம் ஏற்பட்டது. இதில் ஆனந்த் போசை தாக்கியதாக தெரிகிறது. இதனையடுத்து அவர் தனது நண்பர்களை அழைத்தார். அதன்படி 6 பேர் அங்கு வந்தனர். பாருக்கு வெளியே நின்ற ஆனந்த்தை போஸ் உள்பட 8 பேர் தாக்கினர். இதில் அவர் சம்பவ இடத்திலேயே ஆனந்த் பரிதாபமாக இறந்தார்.

இது குறித்து தகவல் கிடைத்ததும் பொள்ளாச்சி மேற்கு போலீசார் சம்பவ இடத்திற்கு ஆன்ந்தின் உடலை மீட்டு பொள்ளாச்சி அரசு ஆஸ்பத்திரிக்கு அனுப்பி வைத்தனர். கொலை குறித்து போலீசார் விசாரணை நடத்தி வருகிறார்கள்.