செய்திகள்
திண்டுக்கல்லில் ரூ.60 ஆயிரம் மதிப்பிலான குட்கா பொருட்கள் பறிமுதல்
திண்டுக்கல்லில் ரூ.60 ஆயிரம் மதிப்பிலான குட்கா பொருட்கள் பறிமுதல் செய்யப்பட்டது.
குள்ளனம்பட்டி:
குடைப்பாறைப்பட்டி பகுதியில் வீடுகளில் குட்கா பொருட்கள் பதுக்கி விற்பனை செய்யப்படுவதாக போலீசாருக்கு ரகசிய தகவல் கிடைத்தது. அதன்படி எஸ்.பி. தனிப்படை சப்-இன்ஸ் பெக்டர் மாரிமுத்து தலைமையிலான போலீசார் இன்று அதிரடி சோதனை நடத்தினர்.
அப்பகுதியில் உள்ள ஒரு வீட்டில் ரூ.60 ஆயிரம் மதிப்பிலான குட்கா, புகையிலை பொருட்கள் பதுக்கியது தெரிய வந்தது. அவற்றை பறிமுதல் செய்த போலீசார் இது தொடர்பாக சரவணன் (வயது35) என்பரை கைது செய்து தெற்கு போலீஸ் நிலையத்தில் ஒப்படைத்தனர். இது குறித்து மேலும் விசாரணை நடத்தப்பட்டு வருகிறது.