ஈரோட்டில் இன்று கமல்ஹாசன் தேர்தல் பிரசாரம்

ஈரோடு:

மக்கள் நீதி மய்யம் தலைவர் கமல்ஹாசன் கோவை தெற்கு சட்டமன்ற தொகுதியில் போட்டியிடுகிறார். இந்நிலையில், மக்கள் நீதி மய்யத்தின் கட்சி வேட்பாளர் மற்றும் அதன் கூட்டணி கட்சியினர் போட்டியிடும் வேட்பாளர்களை ஆதரித்து கமல்ஹாசன் பிரசாரம் மேற்கொண்டு வருகிறார்.

அதன்படி, கோவை மாவட்டத்தில் இருந்து இன்று மதியம், ஈரோடு மாவட்டம் பெருந்துறை சட்டமன்ற தொகுதியிலும், மொடக்குறிச்சி தொகுதியிலும் கட்சியின் வேட்பாளர்களை ஆதரித்து பிரச்சாரம் மேற்கொள்கிறார். பின்னர், ஈரோடு மேற்கு தொகுதிக்குட்பட்ட சூரம்பட்டி 2-ம் நம்பர் பஸ் நிறுத்தத்தில் நடக்கும் பொதுக்கூட்டத்தில் பங்கேற்று வேட்பாளர்களை ஆதரித்து பேசுகிறார்.

இதைத்தொடர்ந்து, நாளை மதியம் ஈரோடு மாவட்டம் கோபி தொகுதியில் பிரசாரம் மேற்கொண்டு வேட்பாளர்களை ஆதரித்து பேசுகிறார்.

முன்னதாக அவர் இன்று மதியம் ஹெலிகாப்டர் மூலம் சித்தோடு கங்காபுறத்தில் உள்ள டெக்ஸ்வேலிக்கு வந்து இறங்கி அதன் பிறகு பிரசாரம் தொடங்குவார் என்று அறிவிக்கப்பட்டிருந்தது. ஆனால் ஹெலிகாப்டர் வந்து இறங்க அனுமதி மறுக்கப்பட்டதால் அவர் கார் மூலமாக கோவையில் இருந்து வருகிறார்.