சுவையான மீன் சூப் செய்வது எப்படி

தேவையான பொருட்கள் :

வஞ்சிர மீன் - 4 துண்டுகள்
பெரிய வெங்காயம் - 2
மிளகுத்தூள் - 3/4 டீஸ்பூன்
மிளகாய்தூள் - 1/2 டீஸ்பூன்
உப்பு - சுவைக்கு
இஞ்சி - சிறிது துண்டு
எண்ணெய் - 1 ஸ்பூன்
கொத்தமல்லி தழை - சிறிதளவு
எலுமிச்சை சாறு - 1 ஸ்பூன்

செய்முறை:

* பெரிய வெங்காயம், கொத்தமல்லி தழையை பொடியாக நறுக்கி கொள்ளவும்.

* இஞ்சியை தோல் நீக்கி துருவிக் கொள்ளவும்.

* வஞ்சிரம் மீனை நன்றாக கழுவி பொடியாக நறுக்கிகொள்ளவும்.

* வஞ்சிர மீன் துண்டுகள், பெரிய வெங்காயம், மிளகுத்தூள், துருவிய இஞ்சி, மிளகாய்தூள், உப்பு, எண்ணெய், 5 டம்ளர் தண்ணீர் ஊற்றி மைக்ரோவேவ் ஓவனில் ஹை பவரில் 8 - 10 நிமிடங்கள் வைக்கவும்.

* இரண்டு நிமிடம் ஸ்டாண்டிங் டைம் விட்டு இறக்கவும்.

* இதில் எலுமிச்சை சாறு, கொத்தமல்லி தழை சேர்த்து சூடாக பரிமாறவும்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.