மொறுமொறுப்பான உருளைக்கிழங்கு வடை

தேவையான பொருட்கள் :

உருளைக்கிழங்கு - 4 (வேக வைத்து தோலுரித்தது)
கடலை மாவு - 1 கப்
அரிசி மாவு - அரை கப்
பச்சை மிளகாய் - 5
இஞ்சி - 1 துண்டு
பெருங்காயத் தூள் - 1 சிட்டிகை
கொத்தமல்லி - சிறிது
உப்பு - தேவையான அளவு
எண்ணெய் - பொரிப்பதற்கு தேவையான அளவு

செய்முறை :

* உருளைக்கிழங்கை வேக வைத்து தோலை உரித்து கட்டியில்லாதவாறு மசித்துக் கொள்ள வேண்டும்.

* பச்சைமிளகாய், இஞ்சி, கொத்தமல்லியை பொடியாக நறுக்கி கொள்ளவும்.

* ஒரு பாத்திரத்தில் மசித்த உருளைக்கிழங்கை போட்டு கடலை மாவு, அரிசி மாவு மற்றும் உப்பு சேர்த்து நன்றாக பிசைந்து கொள்ள வேண்டும்.

* ஒரு வாணலியை அடுப்பில் வைத்து, அதில் 2 டீஸ்பூன் எண்ணெய் ஊற்றி காய்ந்ததும், பச்சை மிளகாய், இஞ்சி, பெருங்காயத் தூள் சேர்த்து வதக்கி இறக்கி, உருளைக்கிழங்குடன் சேர்த்து, கொத்தமல்லியை போட்டு, நன்கு பிசைய வேண்டும். மாவு தளர்வாக இருந்தால் சிறிது அரிசி மாவு, கடலை மாவு சேர்த்து கொள்ளவும்.

* ஒரு அகன்ற வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், பிசைந்து வைத்துள்ள மாவை வடைகளாக தட்டிப் போட்டு, பொன்னிறமாக பொரித்து எடுக்கவும்.

* மொறுமொறுப்பான உருளைக்கிழங்கு வடை ரெடி!!!

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.