மாலை நேர ஸ்நாக்ஸ்: உதிர் வெங்காய பஜ்ஜி

தேவையான பொருட்கள் :

வெங்காயம் - 3,

கடலை மாவு - 1 கப்,

பெருங்காயம் - அரை டீஸ்பூன்,

சீரகம் - அரை டீஸ்பூன்,

மிளகாய் தூள் - 1 டீஸ்பூன்,

கறிவேப்பிலை - சிறிது,

உப்பு - சுவைக்கேற்ப,

எண்ணெய் - தேவையான அளவு,

ஆப்பசோடா - சிட்டிகை.

செய்முறை:

வெங்காயத்தை தோல் நீக்கி மெல்லியதாக நீளவாக்கில் நறுக்கவும்.

மாவுடன் எண்ணெய் நீங்கலாக மற்றவற்றை ஒன்றாக சேர்த்து தேவையான தண்ணீர் சேர்த்து இட்லி மாவு பதத்தில் கரைக்கவும்.

கடாயை அடுப்பில் வைத்து எண்ணெய் ஊற்றி சூடானதும் வெங்காயத்தை நன்கு பிசறி (இதழ் இதழாக பிரியும்படி) மாவில் சேர்த்து கலந்து காயும் எண்ணெயில் சிறிது சிறிதாக கிள்ளி போட்டு நன்கு வெந்ததும் எடுக்கவும்.

இப்போது சூப்பரான உதிர் வெங்காய பஜ்ஜி ரெடி.