வீட்டிலேயே செய்யலாம் ஆஞ்சநேயர் கோவில் மிளகு வடை

தேவையான பொருட்கள்

முழு கருப்பு உளுந்து - 1 கப்

மிளகு - 2 டீஸ்பூன்

சீரகம் - 1 டீஸ்பூன்

உப்பு - தேவையான அளவு

எண்ணெய் - தேவையான அளவு (பொரிப்பதற்கு)

செய்முறை

முழு உளுந்தை நன்றாக கழுவி ஐந்து மணி நேரம் ஊற வைத்து , தோலுடன் சிறிது கொரகொரப்பாக அரைத்து கொள்ளவும்.

மிளகு, சீரகத்தை வெறும் கடாயில் வறுத்து, மிக்சியில் கொரகொரப்பாக பொடித்துக்கொள்ளவும்.

அரைத்த மாவுடன் மிளகு, சீரகப்பொடி, உப்பு சேர்த்துப் பிசைந்துகொள்ளவும்.

கடாயில் எண்ணெய் ஊற்றி சூடானவுடன், அடுப்பை மிதமான தீயில் வைத்து மாவை மெல்லிய வடைகளாக, வாழை இலையில் தட்டிப் போட்டு போடவும்.

நன்றாக வெந்து பொன்னிறமாக முறுவலாக வந்ததும் எடுக்கவும்.

இப்போது சுவையான ஆஞ்சநேயர் கோவில் மிளகு வடை ரெடி.