குழந்தைகளுக்கு விருப்பமான பாஸ்தா பாயாசம்

தேவையான பொருட்கள்

பாஸ்தா அல்லது மக்ரோனி - முக்கால் கப்
பால் - 2 கப்
வெல்லப்பாகு - அரை கப்
ஏலக்காய் - 2
நெய் - 1 டேபிள் ஸ்பூன்
முந்திரி மற்றும் உலர் திராட்சை - தேவை
பச்சரிசி மாவு (வறுத்தது) - 1 1/2 டேபிள்ஸ்பூன்

செய்முறை

அடிகனமான அகன்ற பாத்திரத்தில் 4 கப் தண்ணீர் ஊற்றி கொதிக்க விடவும்.

கொதிக்கும் நீரில் பாஸ்தாவை சேர்த்து 2 முதல் 3 நிமிடங்கள் வரை வேக விடவும். வெந்ததும் தண்ணீரை வடிகட்டி வைக்கவும்.

பின்பு மற்றொரு அடி கனமான  பாத்திரத்தில் நெய்யை ஊற்றி முந்திரி உலர் திராட்டை இரண்டையும் பொன்னிறமாக வறுத்து கொள்ளவும்.

வறுத்த முந்திரி, உலர்திராட்டைகளை வடிகட்டி எடுத்துவிட்டு அந்த பாத்திரத்தில் பாலை ஊற்றி நன்றாக கொதிக்க விடவும்.

பால் நன்றாக  கொதிக்க ஆரம்பித்ததும் அதில் வேகவைத்த பாஸ்தாவை சேர்க்கவும்.

பால் சுண்ட ஆரம்பிக்கும் வேளையில் அரிசி மாவை கட்டியில்லாமல் கரைத்து பாலில் சேர்த்து கிளறவும். கலவை நன்றாக கொதித்து வரும்போது நசுக்கிய ஏலக்காயை சேர்க்கவும். அடுப்பிலிருந்து இறக்கி வெல்லப்பாகை சேர்த்து கலக்கவும்.