லைஃப்ஸ்டைல்
மரவள்ளிக்கிழங்கு ஓட்ஸ் வெஜிடபிள் கட்லெட்

மரவள்ளிக்கிழங்கு ஓட்ஸ் வெஜிடபிள் கட்லெட்

Published On 2020-04-27 05:50 GMT   |   Update On 2020-04-27 05:50 GMT
டயட்டில் இருப்பவர்கள் மாலையில் சத்தான ஸ்நாக்ஸ் சாப்பிட விரும்பினால் மரவள்ளிக்கிழங்கு, ஓட்ஸ், வெஜிடபிள் சேர்த்து கட்லெட் செய்து சாப்பிடலாம். இன்று இதன் செய்முறையை பார்க்கலாம்.
தேவையான பொருட்கள் :

மரவள்ளிக்கிழங்கு - கால் கிலோ
ஓட்ஸ் - 100 கிராம்
இஞ்சி - பூண்டு விழுது - ஒரு டீஸ்பூன்
மிளகாய்த்தூள் - ஒரு டீஸ்பூன்
கரம் மசாலாத்தூள் - அரை டீஸ்பூன்
வெங்காயம் - 100 கிராம்
புதினா - ஒரு கப்
கேரட் - ஒன்று
பீன்ஸ் - 10
பச்சைப் பட்டாணி - 50 கிராம்
பிரெட் தூள் - ஒரு கப்
எண்ணெய் - 50 கிராம்
உப்பு - தேவைக்கேற்ப.



செய்முறை:

வெங்காயம், பீன்ஸ், புதினாவை பொடியாக நறுக்கி கொள்ளவும்.

ஓட்ஸை வெறும் கடாயில் போட்டு வறுத்து ஆறியதும் மிக்சியில் போட்டு பொடித்துகொள்ளவும்.

கேரட்டை துருவிக்கொள்ளவும்.

மரவள்ளிக்கிழங்கை வேகவைத்து தோல் நீக்கி துருவிக்கொள்ளவும்.

பச்சைப் பட்டாணியை வேகவைத்து கொள்ளவும்.

வெங்காயத்தைப் பொடியாக நறுக்கிக்கொள்ளவும்.

வாணலியில் சிறிதளவு எண்ணெய்விட்டு சூடானதும் வெங்காயத்தை சேர்த்து வதக்கவும்.

வெங்காயம் சற்று வதங்கியதும் இஞ்சி - பூண்டு விழுது சேர்த்து வதக்கவும்.

அடுத்து அதில் துருவிய கேரட், வேக வைத்த பட்டாணி, பொடியாக நறுக்கிய பீன்ஸ், உப்பு சேர்த்து நன்கு வதக்கவும்.

பின்பு மிளகாய்த்தூள், கரம் மசாலாத்தூள், வேக வைத்து துருவிய மரவள்ளிக்கிழங்கு, புதினா சேர்த்து வதக்கி இறக்கவும்.

ஆறியதும் வறுத்து பொடித்த ஓட்ஸ் சேர்த்து நன்கு பிசையவும்.

தேவையான வடிவில் கட்லெட்டுகளாகத் தட்டி, பிரெட் தூளில் புரட்டி வைக்கவும்.

தோசைக்கல்லை அடுப்பில் வைத்து சூடானதும் செய்து வைத்த கட்லெட்டை போட்டு சுற்றி எண்ணெய்விட்டு இரண்டு பக்கமும் பொன்னிறமாகச் சுட்டெடுக்கவும்.

சூப்பரான சத்தான .மரவள்ளிக்கிழங்கு ஓட்ஸ் வெஜிடபிள் கட்லெட் ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News