கொழுப்பை கரைக்கும் கொள்ளு குழிப்பணியாரம்

தேவையான பொருட்கள் :

கொள்ளு - அரை கப்,
புழுங்கல் அரிசி - 1 கப்,
பச்சரிசி - கால் கப்,
வெந்தயம் - அரை டீஸ்பூன்,
பச்சைமிளகாய் - 2,
வெள்ளை எள் - சிறிது,
கொத்தமல்லி - தேவையான அளவு,

செய்முறை :

ப.மிளகாய், கொத்தமல்லியை பொடியாக நறுக்கி கொள்ளவும்.

வெள்ளை எள்ளை வெறும் கடாயில் போட்டு வறுத்து வைக்கவும்.

கொள்ளு, புழுங்கல் அரிசி, பச்சரிசி, வெந்தயம் சேர்த்து 4 மணி நேரம் ஊறவைக்கவும்.

அனைத்தும் நன்கு ஊறியதும் கிரைண்டரில் போட்டு அரைத்து உப்பு, வறுத்த எள் சேர்த்து பஜ்ஜி மாவு பதத்திற்கு கரைத்து புளிக் விடவும்.

சற்று புளித்தவுடன் அதில் பச்சைமிளகாய், கொத்தமல்லி சேர்த்து கலந்து கொள்ளவும்.

குழிப்பணியாரச் சட்டியை அடுப்பில் வைத்து சூடானதும் நல்லெண்ணெய் விட்டு மாவை ஊற்றி இருபுறமும் வேகவைத்து எடுத்து  பரிமாறவும்..