கோதுமை ரவை - சிறுதானிய பொங்கல்

தேவையான பொருட்கள் :

கோதுமை ரவை - அரை கப்,
பாசிபருப்பு - அரை கப்,
வரகு, தினை - அரை கப்,
எண்ணெய் - 1 டீஸ்பூன்,
சீரகம் - 1 டீஸ்பூன்,
மிளகு - 1 டீஸ்பூன்,
பெருங்காயம் - கால் தேக்கரண்டி,
கறிவேப்பிலை - சிறிதளவு.



செய்முறை :

கோதுமை ரவையை வெறும் கடாயில் போட்டு வாசனை வரும் வரை வறுத்து சுடுநீர் ஊற்றி வேகவிடவும்.

பாசி பருப்பை மலர வேக வைத்து கொள்ளவும்.

சிறுதானியத்தை நன்றாக கழுவி வேக விடவும்.

சிறுதானியங்கள் நன்றாக வெந்தவுடன் அதில் வெந்த பாசிப்பருப்பு, கோதுமை ரவை, உப்பு சேர்த்து நன்றாக கலக்கவும்.

கடாயை அடுப்பில் வைத்து எண்ணெய் ஊற்றி சூடானதும் அதில் மிளகு, சீரகம், கறிவேப்பிலை, பெருங்காயம் சேர்த்து தாளித்து அதை வெந்த பொங்கலில் சேர்த்து நன்கு கலக்கவும்.

இப்போது சூப்பரான கோதுமை ரவை - சிறுதானிய பொங்கல் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.