மருத்துவரிடம் ஆலோசனை பெற்று இருதய செயலிழப்பை தடுக்கலாம்

ஹார்ட் பெயிலியர் ( HEART FAILURE)

ஹார்ட்அட்டாக், ஹார்ட்வால்வு பிரச்சினை, இருதயத்தில் ஓட்டை போன்றவை நாம்நாள் பொழுதும் கேள்விப்படும் இருதயநோய் தொடர்பான வார்த்தைகள் ஆகும். ஆனால் பொதுமக்களும் பாமரர்களும் அதிகம் கேட்டிராத ஒரு மருத்துவம் தொடர்பான சொல்ஹார்ட்ஃபெல்யூர்.

ஹார்ட் பெயிலியர் என்றால்என்ன ?

இருதயநோய்கள்மட்டும் அல்லாமல் நம் உடம்பில் உள்ள உறுப்புகளில் ஏற்படும் பல்வேறு நோய்களின் தாக்கத்தால் இருதயம் தன்செயலை / செயல்திறனை இழக்கக்கூடும். அடிப்படையில் இருதயம் செய்யும் வேலையை ஒரு பம்ப் (Pump) உடன் ஒப்பிடலாம். பம்ப் (Pump) போன்ற இந்த உறுப்பின் அதிமுக்கியமான வேலை, ரத்தத்தை உடம்பில் உள்ள மூளை, சிறுநீரகம், கல்லீரல், குடல் போன்ற பல்வேறு உறுப்புகளுக்கு ரத்தநாளங்கள் வாயிலாக சீராக சென்றடைய செய்வதே ஆகும்.

மேற்கூறியது போல் பல்வேறு உறுப்புகளின் பல்வேறு நோய்களின் தாக்கம் இருதயத்தின் மேல் ஏற்படும் போது, இருதயம் தன் செயலை மெல்ல மெல்ல இழக்க நேரிடும். ஒரு சிலமாதங்களிலோ வருடங்களிலோ முற்றிலும் செயலிழக்கும் இருதயம் தனது பம்ப் (Pump) வேலையை முழுமையாக செய்ய முடியாமல் போகும். இதன் விளைவாக உடம்பின் மற்ற பிற உறுப்புகளுக்கு ரத்தம் சரியாக / சீராக சென்றடைவ தில்லை. ரத்தம் சென்றடையாத காரணத்தால் அந்தமற்ற உறுப்புகளும் மெதுவாக செயலிழக்கும் அபாயம் நேரிடும். விளைவு-மல்டி ஆர்கன்டிஸ்ஃபங்சன் (multi Organ Dysfunction) -அதாவது ஒன்றிற்கும் மேற்பட்ட உறுப்புகள் செயலிழக்க முக்கியமான காரணமாக ஹார்ட் பெயிலியர் காணப்படுகிறது.

ஹார்ட் பெயிலியர் அறிகுறிகள் (SYMPTOMS )

மூச்சுதிணறல் (Dyspnoea), அசாதாரணமான சோர்வு (Fatigue), படபடப்பு ( Palpitations), சுயநினைவின்றி மயங்கிவிழுதல் (Syncope) கால், முகம், வயிறு வீக்கம் சிறுநீர் அளவு குறைதல், நெஞ்சுவலி

ஹார்ட் பெயிலியர் முக்கியகாரணங்கள்

1.மாரடைப்பு (HEART ATTACK)

மாரடைப்பு என்பது இருதயத்தின் மேல் உள்ள ரத்த நாளங்களில் கொழுப்பு படிந்து, அந்த நாளங்கள் முழுவதுமாக அடைத்துக் கொள்வதினால் வரும் விளைவு. அடைப்பின் காரணமாக இருதயம் செயல்பட போதுமான பிராணவாயு போன்ற ஊட்டம் இல்லாததனால் அதன்பம்ப் (Pump) செயல்திறன் மெலிவடைந்துஹார்ட்பெயிலியர் (Heartfailure) ஏற்பட வழி வகுக்கிறது.

2. இருதயவால்வு (VALVE) பிரச்சினைகள்

இருதயத்தின் வால்வுகளில் ஏற்படும் அடைப்பு மற்றும் பல்வேறு விதமான வால்வு கோளாறுகள் காரணமாகவும் இருதயத்தினுள் அழுத்தம் (pressure) அதிகமாக, அதன் விளைவாக ஹார்ட்பெயிலியர் ஏற்படலாம்.

3.இருதயத்தில் உள்ள பிறவி குறைபாடுகள் (CONGENITAL DEFECTS )

ASD, VSD, PDA எனப்படும் பல்வேறு விதமான இருதயத்தின் திசுக்களில் பிறவி குறைபாடு காரணமாக தோன்றும் ஓட்டைகள் (defects) மற்றும் பிறவியிலிருந்தே தோன்றும் சில அறிய வகை வால்வு கோளாறுகள் காரணமாகவும் ஹார்ட்பெயிலியர் ஏற்படலாம்.

4. இடியோபதிக் ( IDIOPATHIC) DCM

Idiopathic DMC (Dilated Cardiomyopathy) எனப்படுவது காரணமே இல்லாமல் இருதயம் வீக்கம் அடைந்துகாலப்போக்கில் அதன் செயல்திறனைமுற்றிலுமாக இழக்கும் ஒருவிதமான நோய். இது ஹார்ட் பெயிலியர் ஒரு முக்கியமான மற்றும் பொதுவான காரணமாகும்.

5. PERI PARTUM CARDIOMYOPATHY (கர்பகாலத்தில் ஏற்படும் ஹார்ட் பெயிலியர்

பெண்கள் கர்பமுறிருக்கும் காலத்திலோ அல்லது குழந்தை பெற்று முதல் 4 மாதங்களிலோ, காரணமே இல்லாமல் இருதயம் வீக்கம் அடைந்து ஹார்ட் பெயிலியருக்கு வழி வகுக்கலாம்.

6. சர்க்கரைநோய் மற்றும் உயர்ரத்த அழுத்தம் (Diabetes & Hypertension)

சர்க்கரைநோய் மற்றும் உயர்ரத்த அழுத்தத்தினால் நம் உடம்பில் பாதிப்படையாத உறுப்புகளே இல்லை. அவ்வகையில் இந்த உயிர் கொல்லி நோய்களினால் இருதயம் பல்வேறு வகைகளில் பாதிப்பை சந்திக்கிறது. அதில் முக்கியமான பக்கவிளைவு மாரடைப்புமற்றும் ஹார்ட் பெயிலியர் ஆகியன ஆகும். சர்க்கரைநோய் மற்றும் உயர் ரத்தஅழுத்தம் ஆகியனவற்றை நல்லகட்டுப்பாட்டில் வைத்திருப்பதின் மூலம் மாரடைப்பு மற்றும் ஹார்ட் பெயிலியர் வராமல் வாழ்நாள் முழுவதும் ஆரோக்கியமாகவும் வாழமுடியும். இதற்கு முக்கியம் இந்நோய்களை பற்றிய அடிப்படை புரிதலும் அவற்றின் பக்கவிளைவுகளை பற்றிய போதிய விழிப்புணர்வும் ஆகும்.

மேலும் விபரங்களுக்கு அணுகவும் ARAVIND HEART CENTRE (அரவிந்த் இருதய நலமையம்) Dr N Arvind Yuvaraj DM ., 0416 297 6666

டாக்டர். N.அரவிந்த்யுவராஜ் DM., அரவிந்த் இருதய நலமையம்