பாகிஸ்தான் அணிக்கு எதிரான டெஸ்ட் தொடர்- இலங்கை அணி அறிவிப்பு
- உலக டெஸ்ட் சாம்பியன்ஷிப் புள்ளிகள் பட்டியலில் இலங்கை தற்போது மூன்றாவது இடத்தில் உள்ளது.
- ஆஸ்திரேலியாவுக்கு எதிராக இலங்கை அணியின் ஜெயசூரியா 12 விக்கெட்டுகள் வீழ்த்தினார்.
2 டெஸ்ட் போட்டிகளில் விளையாடுவதற்காக பாகிஸ்தான் அணி இலங்கையில் சுற்றுப்பயணம் செய்துள்ளது. இதற்கான முதல் டெஸ்ட் போட்டி நாளை தொடங்குகிறது. இதற்கான டெஸ்ட் அணியை இலங்கை அணி அறிவித்துள்ளது.
ஆஸ்திரேலியா அணிக்கு எதிராக இலங்கை அணி 2 டெஸ்ட் போட்டியில் விளையாடியது. இதில் முதல் டெஸ்டில் ஆஸ்திரேலியா அணி வெற்றி பெற்றது. 2-வது டெஸ்ட்டில் இலங்கை அணி வரலாற்று வெற்றி பெற்றது. அந்த டெஸ்ட்டில் சுழற்பந்து வீச்சாளர்கள் சிறப்பாக செயல்பட்டனர். முக்கியமாக ஜெயசூரியா 12 விக்கெட்டுகள் வீழ்த்தினார். முதல் போட்டியிலேயே அவரின் பந்து வீச்சு ஆஸ்திரேலியாவின் பேட்ஸ்மேன்களை திணறடித்தது.
இதனால் இலங்கை அணி அதிக நம்பிக்கையுடன் பாகிஸ்தானை எதிர் கொள்ளும். உலக டெஸ்ட் சாம்பியன்ஷிப் புள்ளிகள் பட்டியலில் இலங்கை தற்போது மூன்றாவது இடத்திலும் பாகிஸ்தான் நான்காவது இடத்திலும் உள்ளது.
பாகிஸ்தான் அணிக்கு எதிரான இலங்கை டெஸ்ட் அணி:
கருணாரத்னே (கேப்டன்), பதும் நிசங்கா, ஓஷத பெர்னாண்டோ, மேத்யூஸ், குசல் மெண்டிஸ், தனஞ்சய டி சில்வா, கமிந்து மெண்டிஸ், நிரோஷன் டிக்வெல்லா, தினேஷ் சண்டிமால், ரமேஷ் மெண்டிஸ், தீக்க்ஷனா, கசுன் ரஜிதா, விஷ்வா பெர்னாண்டோ, அஜிசா பெர்னாண்டோ, டில்சன் மதுஷங்க, பிரபாத் ஜெயசூரியா, துனித் வெல்லலகே, ஜெப்ரி வான்டர்சே.