சினிமா
பட்ஜெட்டை குறைத்த தயாரிப்பாளர்.. கடுப்பான இயக்குனர்...
பிரபல தயாரிப்பு நிறுவனம் ஒன்று பட்ஜெட்டை குறைக்கச் சொல்லி இயக்குனரிடம் கேட்க அதற்கு அவர் கடுப்பாகி விட்டாராம்.
பிரம்மாண்ட இயக்குனர் எப்போதும் அதிக பொருட் செலவில் தரமான படத்தை எடுத்து வருவாராம். இவர் தற்போது நீதி தலைவரை வைத்து ஒரு படத்தை இயக்கி வருகிறாராம். இதன் பட்ஜெட் 350 கோடி ரூபாய் இருந்ததாம்.
முதலில் இந்த பட்ஜெட்டுக்கு சரி சொன்ன தயாரிப்பாளர்கள் பிறகு இயக்குனரிடம் பட்ஜெட்டை குறைக்க வேண்டும் என்று கூறினார்களாம். இயக்குனரும் ஒப்புக்கொண்டு சரி என்றாராம். தற்போது கொரோனா ஊரடங்கு நேரத்தில் தயாரிப்பு நிறுவனம் பாதிக்கப்பட்டுள்ளதால் இன்னும் பட்ஜெட்டை குறைக்க சொல்லி கேட்டு இருக்கிறார்களாம்.
ஆனால் இயக்குனரோ கடுப்பாகி இதற்கு மேல் பட்ஜெட்டை குறைக்க முடியாது என்று சொல்லிவிட்டாராம். கதை வேண்டும் என்றால் கொடுத்துவிடுகிறேன் நீங்களே படத்தை எடுத்துக் கொள்ளுங்கள் என்று கடுப்பில் சொல்லிவிட்டாராம்.