தனி விமானத்தில் பறக்கும் தளபதி 67 படக்குழு.. வைரலாகும் புகைப்படம்..

'வாரிசு' படத்தைத் தொடர்ந்து விஜய் அடுத்ததாக லோகேஷ் கனகராஜ் இயக்கத்தில் தளபதி 67 படத்தில் நடிக்கவுள்ளார். இப்படத்தின் படப்பிடிப்பு சமீபத்தில் தொடங்கியது. ஏற்கனவே மாஸ்டர் படம் இவர்கள் கூட்டணியில் வெளியாகி நல்ல வரவேற்பை பெற்றது.

தளபதி 67 வைரலாகும் புகைப்படம்

தளபதி 67 படத்தில் விஜய்க்கு 50 வயது தாதா கதாபாத்திரம் என்றும் அவருக்கு வில்லன்களாக 6 முன்னணி நடிகர்கள் நடிக்க இருப்பதாகவும் கூறப்படுகிறது. இதையடுத்து இப்படத்தின் புதிய அப்டேட்டை படக்குழு நேற்று வெளியிட்டது. அதன்படி தளபதி 67 படக்குழு செவன் ஸ்கிரீன் ஸ்டூடியோ நிறுவனத்துடன் இணைந்துள்ளது. மேலும், இப்படத்திற்கு அனிருத் இசையமைக்கவுள்ளார். இதனை படக்குழு போஸ்டர் வெளியிட்டு அறிவித்தது.

தளபதி67 வைரலாகும் புகைப்படம்

இந்நிலையில், தளபதி 67 படக்குழு காஷ்மீர் செல்லவுள்ளதாக தகவல் வெளியாகியுள்ளது. அதாவது, சென்னை, கொடைக்கானல் படப்பிடிப்பு முடிந்து தளபதி 67 படக்குழு தற்போது தனி விமானத்தில் காஷ்மீர் படப்பிடிப்பிற்கு செல்லவுள்ளதாகவும் இதில் நடிகர் சத்யராஜ், பிரியா ஆனந்த் மற்றும் பலர் கலந்து கொள்ளவுள்ளதாகவும் சினிமா வட்டாரங்கள் தெரிவிக்கின்றன. மேலும், இது தொடர்பான புகைப்படங்களும் சமூக வலைதளத்தில் வைரலாகி வருகிறது.