சினிமா
காலா 100வது நாளை கறி விருந்து வைத்து கொண்டாடிய அமெரிக்க ரஜினி ரசிகர்கள்
பா.ரஞ்சித் இயக்கத்தில் ரஜினி நடிப்பில் வெளியான ‘காலா’ படத்தின் 100வது நாளை அமெரிக்க ரசிகர்கள் கறி விருந்து வைத்து கொண்டாடி இருக்கிறார்கள். #Kaala #Rajini
ரஜினி நடிப்பில் வெளியாகி சூப்பர் ஹிட்டான படம் ‘காலா’. பா.ரஞ்சித் இயக்கிய இப்படத்தில் நானா படேகர், ஈஸ்வரி ராவ், ஹூமா குரேஷி உள்ளிட்ட பலர் நடித்திருந்தார்கள். சந்தோஷ் நாராயணன் இப்படத்திற்கு இசையமைத்திருந்தார். இப்படத்தின் 100வது நாளை அமெரிக்க ரஜினிகாந்த் ரசிகர்கள் விருந்து வைத்து கொண்டாடி உள்ளார்கள்.
கிடாக்கறி, கோழிக்கறி, பாயசம் என பலவகை உணவுகளுடன் 150க்கும் மேற்பட்டவர்கள் கலந்து கொண்ட ‘காலா கறி விருந்து’ டல்லாஸ் மாநகரின் இர்விங் ஜெபர்சன் பார்க்கில் நடைபெற்றுள்ளது.
இந்த பார்க்கின் பிக்னிக் திடலை, நகர நிர்வாகத்திடம் அனுமதி பெற்று வட அமெரிக்க தலைவர் ரஜினிகாந்த் பேரவை மற்றும் க்ரேட் ரஜினிகாந்த் பேன்ஸ், (யு.எஸ்.ஏ.) சார்பில் விழா ஏற்பாடு செய்து இருந்தனர்.