சூர்யா - ஜி.வி.பிரகாஷுடன் இணைந்த விவேக்

சூர்யா தற்போது செல்வராகவன் இயக்கத்தில் `என்ஜிகே' படத்திலும், கே.வி.ஆனந்த் இயக்கத்தில் ஒரு படத்திலும் நடித்து வருகிறார். இந்த இரு படங்களை முடித்த பிறகு சூர்யா அடுத்ததாக `இறுதிச்சுற்று' படத்தை இயக்கிய சுதா கொங்காரா இயக்கத்தில் நடிக்க இருக்கிறார். சூர்யாவின் 38-வது படமாக உருவாகும் இந்த படத்திற்கு ஜி.வி.பிரகாஷ் இசையமைக்கிறார். 

இந்த நிலையில், இந்த படத்திற்கு பாடல்களை பாடலாசிரியர் விவேக் இணைந்திருக்கிறார். இதுகுறித்து விவேக் அவரது ட்விட்டர் பக்கத்தில் தெரிவித்திருப்பதாவது,

`ஊக்கப்படுத்தும் நாயகன் சூர்யாவின் சூர்யா 38 படத்துக்காக முதல்முறையாக பாடல் வரிகளை எழுதுவதில் மகிழ்ச்சி. சுதாவுடன் படத்தில் ஜி.வி.பிரகாஷ் சிறப்பான பின்னணி இசையை தந்திருக்கிறார். சுதா பெரிய வெற்றியை அடைய வாழ்த்துக்கள்' இவ்வாறு கூறியுள்ளார்.

ஜி.வி.பிரகாஷ் சமீபத்தில் அளித்த பேட்டியில், சூர்யா 38 படம் ஆயிரத்தில் ஒருவன் மாதிரி ஒரு வித்தியாசமான கதையாக உருவாக இருப்பதாகவும், இந்த படத்தின் இசையும் ஒரு புதுமையான அனுபவத்தை கொடுக்கும் என்றும் கூறியிருந்தார். சூர்யா படத்திற்காக ஜி.வி.பிரகாஷ் இசையமைக்க துவங்கிவிட்டார் என்பது குறிப்பிடத்தக்கது. #Suriya38