கார்

இந்தியாவில் ஸ்கார்பியோ N வினியோம் துவக்கம்

Update: 2022-09-26 09:58 GMT
  • மஹிந்திரா நிறுவனத்தின் முற்றிலும் புதிய ஸ்கார்பியோ N மாடல் வினியோகம் துவங்கியது.
  • இந்த கார் முன்பதிவு துவங்கிய 30 நிமிடங்களில் ஒரு லட்சத்திற்கும் அதிகமானோர் முன்பதிவு செய்தனர்.

மஹிந்திரா ஸ்கார்பியோ N மாடலுக்கான வினியோகம் துவங்கி நடைபெற்று வருகிறது. இந்திய சந்தையில் ஜூலை 30 ஆம் தேதி மஹிந்திரா ஸ்கார்பியோ N முன்பதிவு துவங்கியது. முன்பதிவு துவங்கிய முதல் 30 நிமிடங்களில் இந்த காரை வாங்க சுமார் ஒரு லட்சத்திற்கும் அதிகமானோர் முன்பதிவு செய்தனர்.

தற்போது வினியோகம் துவங்கி இருக்கும் நிலையில், புதிய ஸ்கார்பியோ N மாடலின் 25 ஆயிரம் முன்பதிவுகளையும் இந்த ஆண்டு நவம்பர் மாத இறுதிக்குள் வினியோகம் செய்து முடிக்க மஹிந்திரா நிறுவனம் முடிவு செய்து இருக்கிறது. மேலும் வினியோகம் துவங்கிய பத்து நாட்களுக்குள் குறைந்தபட்சம் 7 ஆயிரம் யூனிட்களை வினியோகம் செய்ய திட்டமிட்டுள்ளது.

இந்திய சந்தையில் புதிய மஹிந்திரா ஸ்கார்பியோ N மாடல் Z2, Z4, Z6, Z8 மற்றும் Z8L போன்ற வேரியண்ட்களில் விற்பனை செய்யப்படுகிறது. இந்த கார் ஆறு மற்றும் ஏழு பேர் பயணம் செய்யும் வகையில் கிடைக்கிறது. புதிய மஹிந்திரா ஸ்கார்பியோ N காரில் 2.0 லிட்டர் பெட்ரோல் மற்றும் 2.2 லிட்டர் டீசல் என்ஜின் வழங்கப்பட்டு இருக்கிறது. இருவித என்ஜின்களுடன் மேனுவல் மற்றும் ஆட்டோமேடிக் டிரான்ஸ்மிஷன் வழங்கப்படுகிறது.

புதிய ஸ்கார்பியோ N மாடலின் விலை ரூ. 11 லட்சத்து 99 ஆயிரம் என நிர்ணயம் செய்யப்பட்டு உள்ளது. இதன் டாப் எண்ட் மாடல் விலை ரூ. 23 லட்சத்து 90 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

Tags:    

Similar News