423கிமீ ரேன்ஜ் வழங்கும் புதிய பென்ஸ் எலெக்ட்ரிக் கார் இந்தியாவில் அறிமுகம்!

மெர்சிடிஸ் பென்ஸ் இந்தியா நிறுவனம் இந்திய சந்தையில் தனது நான்காவது எலெக்ட்ரிக் கார்- பென்ஸ் EQB மாடலை அறிமுகம் செய்தது. புதிய மெர்சிடிஸ் பென்ஸ் EQB மாடல் விலை ரூ. 74 லட்சதத்து 50 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. முன்னதாக பென்ஸ் GLB மாடல் விலையையும் மெர்சிடிஸ் பென்ஸ் அறிவித்தது. இந்த மாடலின் விலை ரூ. 63 லட்சத்து 8 ஆயிரம் என துவங்குகிறது.

முழுமையான எலெக்ட்ரிக் மாடலான மெர்சிடிஸ் பென்ஸ் EQB ஸ்வெப்ட்பேக் எல்இடி ஹெட்லேம்ப்கள், பிளான்க்டு-ஆஃப் கிரில், ஸ்ப்லிட் ரக எல்இடி டெயில் லைட்கள், 18 இன்ச் அலாய் வீல்கள், பவர்டு டெயில்கேட், வயர்லெஸ் சார்ஜிங், யுஎஸ்பி டைப் சி போர்ட்கள், பானரோமிக் சன்ரூஃப், ஆம்பியண்ட் லைட்டிங், 10.25 இன்ச் டச் ஸ்கிரீன் வசதி கொண்ட இன்ஃபோடெயின்மெண்ட் சிஸ்டம் வழங்கப்பட்டு இருக்கிறது.

புதிய மெர்சிடிஸ் பென்ஸ் EQB மாடலில் 66.4 கிலோவட் ஹவர் பேட்டரி பேக் வழங்கப்பட்டு இருக்கிறது. இத்துடன் வழங்கப்பட்டு இருக்கும் எலெக்ட்ரிக் மோட்டார் 225 ஹெச்பி பவர், 390 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த காருடன் AC மற்றும் DC சார்ஜிங் வசதி உள்ளது. இதனை முழுமையாக சார்ஜ் செய்தால் 423 கிலோமீட்டர் வரை செல்லும் என WLTP சான்று பெற்று இருக்கிறது.