கார் மாடல்களுக்கு அசத்தல் சலுகைகள் அறிவித்த மாருதி சுசுகி

மாருதி சுசுகி நிறுவனம் இந்திய சந்தையில், தனது கார் மாடல்களுக்கு ஜூலை மாதத்திற்கான சலுகை விவரங்களை அறிவித்து இருக்கிறது. அந்த வகையில், தேர்வு செய்யப்பட்ட நெக்சா கார் மாடல்களுக்கு அசத்தல் சலுகை வழங்கப்படுகிறது.

இவை எக்சேன்ஜ் ஆஃபர், ரொக்க வடிவில் தள்ளுபடி மற்றும் கார்ப்பரேட் பலன்கள் வடிவில் வழங்கப்படுகின்றன. ஜூலை மாதத்துக்கான பலன்கள் மாருதி சுசுகி இக்னிஸ், சியாஸ் மற்றும் பலேனோ மாடல்களுக்கு மட்டுமே பொருந்தும்.

2017 ஆம் ஆண்டு இந்திய சந்தையில் அறிமுகம் செய்யப்பட்ட மாருதி சுசுகி இக்னிஸ் மாடல் இன்று வரை நெக்சா பிரான்டின் என்ட்ரி-லெவல் மாடலாகவே நீடிக்கிறது. புதிய இக்னிஸ் மாடலை வாங்குவோர் ரூ. 64 ஆயிரம் வரையிலான சேமிப்புகளை பெற முடியும். இது மேனுவல் வேரியன்ட்களுக்கான சலுகை ஆகும்.

ஆட்டோமேடிக் வேரியண்ட் வாங்குவோர் ரூ. 54 ஆயிரம் வரையிலான பலன்களை பெற முடியும். இதில் ரூ. 25 ஆயிரம் தள்ளுபடி, எக்சேன்ஜ் சலுகை மற்றும் ரூ. 4 ஆயிரம் கார்ப்பரேட் சலுகை அடங்கும்.

நெக்சா பிரான்டிங்கில் பழைய மாடல்களில் ஒன்றாக மாருதி சுசுகி சியாஸ் இருக்கிறது. இந்த செடான் காருக்கு ரூ. 38 ஆயிரம் வரை பலன்கள் அறிவிக்கப்பட்டு உள்ளன. இவை சியாஸ் மேனுவல் மற்றும் ஆட்டோமேடிக் வேரியன்ட்களுக்கு பொருந்தும். இதில் ரூ. 10 ஆயிரம் வரை தள்ளுபடி, ரூ. 25 ஆயிரம் எக்சேன்ஜ் சலுகை, ரூ. 3 ஆயிரம் கார்ப்பரேட் தள்ளுபடி அடங்கும்.

மாருதி சுசுகி பலேனோ மாடலின் பெட்ரோல் மேனுவல் மற்றும் CNG வேரியண்ட்களுக்கு ரூ. 20 ஆயிரம் தள்ளுபடி வழங்கப்படுகிறது. ஆட்டோமேடிக் வேரியன்டிற்கு ரூ. 17 ஆயிரத்து 500 வரையிலான பலன்கள் வழங்கப்படுகின்றன.