ஆட்டோ டிப்ஸ்

மீண்டும் ரிகால் செய்யப்படும் மஹிந்திரா XUV700 - என்ன காரணம் தெரியுமா?

Update: 2022-11-26 10:39 GMT
  • மஹிந்திரா நிறுவனத்தின் XUV700 மாடல் இந்திய விற்பனையில் தொடர்ந்து அமோக வரவேற்பை பெற்று வருகிறது.
  • மஹிந்திரா நிறுவத்தின் ஃபிளாக்‌ஷிப் மாடலான XUV700 இந்திய சந்தையில் அடிக்கடி ரிகால் செய்யப்பட்டு வருகிறது.

மஹிந்திரா XUV700 இந்திய சந்தையில் அதிகம் ரிகால் செய்யப்பட்ட கார்களில் ஒன்றாக மாறி இருக்கிறது. மஹிந்திரா நிறுவனத்தின் அதிகம் விற்பனையாகி வரும் ஃபிளாக்‌ஷிப் மாடலான XUV700 மீண்டும் ரிகால் செய்யப்பட்டுள்ளது. இந்த முறை காரில் ஏற்பட்டு இருக்கும் சஸ்பென்ஷன் சார்ந்த பிரச்சினைகளை சரி செய்யப்பட இருப்பதாக மஹிந்திரா தெரிவித்து இருக்கிறது.

கார்களில் ஏற்படும் பிரச்சினைகளை அடிக்கடி கண்டறிந்து ரிகால் மூலம் சரி செய்வது நல்ல முயற்சி தான் என்ற போதிலும், ஃபிளாக்‌ஷிப் மாடலில் இத்தனை குறைகளை போதிய அளவுக்கு சோதனை செய்யாமல் வெளியிட்டதோ என்ற எண்ணம் வாடிக்கையாளர்களுக்கு எழ துவங்கி விட்டது.

மஹிந்திரா XUV700 பயன்படுத்தும் வாடிக்கையாளர்கள் தங்களின் வாகனத்தில் சஸ்பென்ஷன் சத்தம் கேட்பதாக புகார் தெரிவித்து வருகின்றனர். இந்த பிரச்சினையை சரி செய்யவே தற்போது ரிகால் நடவடிக்கை எடுக்கப்பட்டு உள்ளது. இதற்காக மஹிந்திரா நிறுவனம் தனது டீலர்களுக்கு தொழில்நுட்ப சர்வீஸ் சுற்றறிக்கையை அனுப்பி இருக்கிறது. அதில் XUV700 மாடலை ரிகால் செய்து சஸ்பென்ஷன் பாகங்களை மாற்ற வலியுறுத்தி இருக்கிறது.

இதில் முன்புறம் லோயர் கண்ட்ரோல் ஆர்ம் மற்றும் ரியர் கண்ட்ரோல் புஷ் உள்ளிட்டவை இடம்பெற்று இருக்கிறது. இவற்றை வாடிக்கையாளர்களுக்கு எவ்வித கூடுதல் கட்டணமும் இன்றி மாற்றிக் கொடுக்க வேண்டும் என மஹிந்திரா தெரிவித்துள்ளது. இம்முறை ரிகால் செய்யப்படும் மஹிந்திரா XUV700 யூனிட்களில் பெட்ரோல் மற்றும் டீசல் வேரியண்ட்கள் பாதிக்கப்பட்டுள்ளன.

Tags:    

Similar News