108 மெகாபிக்ஸல் குவாட் கேமராவுடன் வெளியாகியுள்ள மிட் ரேஞ்ச் ஸ்மார்ட்போன்

ஹூவாய் நிறுவனம் ஹூவாய் நோவா 9 எஸ்.இ என்ற புதிய மிட் ரேஞ்ச் ஸ்மார்ட்போனை மலேசியாவில் அறிமுகம் செய்துள்ளது. இந்த போனில் 6.78-inch full-HD+ Huawei FullView TFT LCD, 90Hz ரெஃப்ரெஷ் ரேட், 270Hz டச் சாம்பிளிங் ரேட், 16.7 மில்லியன் கலர்ஸ் ஆகியவற்றுடன் இடம்பெற்றுள்ளன.

மேலும் இந்த போனிற்கு Snapdragon 680 பிராசஸர், Adreno 610 GPU வழங்கப்பட்டுள்ளது. கேமராவை பொறுத்தவரை 108 மெகாபிக்ஸல் பிரைமரி கேமரா, 8 மெகாபிக்ஸல் அல்ட்ரா வைட் லென்ஸ், 2 மெகாபிக்ஸல் டெப்த் சென்சார், 2 மெகா பிக்ஸல் மேக்ரோ கேமரா சென்சார் தரப்பட்டுள்ளன. இவற்றுடன் 16 மெகாபிக்ஸல் செல்ஃபி கேமராவும் தரப்பட்டுள்ளது. 

பிற ஹூவாய் ஸ்மார்ட்போன்களை போலை போலவே கூகுள் செயலிகள் மற்றும் சேவைகளை இந்த போன் சப்போர்ட் செய்யாது.

மேலும் இந்த போனில் 66W அதிவேக சார்ஜிங், 4000mAh பேட்டரி வழங்கப்பட்டுள்ளது. 8 ஜிபி ரேம் மற்றும் 128 ஜிபி மெமரி கொண்ட இந்த போனின் விலை இந்திய மதிப்பில் ரூ.20,000-ஆக நிர்ணயம் செய்யப்பட்டுள்ளது.

தற்போது மலேசியாவில் மட்டும் அறிமுகமாகியுள்ள இந்த போன் விரைவில் இந்தியாவில் வெளியாகும் என எதிர்பார்க்கப்படுகிறது.