ஒன்பிளஸ் நிறுவனத்தின் ஒன்பிளஸ் நார்டு CE 5ஜி மாடல் விலை ஒன்பிளஸ் வலைதளத்தில் லீக் ஆகி இருக்கிறது. தனியார் வங்கி சலுகை மூலம் ஒன்பிளஸ் நார்டு CE 5ஜி விலை மற்றும் கேஷ்பேக் சலுகை விவரங்கள் வெளியாகி உள்ளது. இந்தியாவில் ஒன்பிளஸ் நார்டு CE 5ஜி ஜூன் 10 ஆம் தேதி அறிமுகம் செய்யப்பட இருக்கிறது.
புதிய ஒன்பிளஸ் நார்டு CE 5ஜி மாடலில் மிக மெல்லிய டிசைன், ஹெட்போன் ஜாக், 64 எம்பி மூன்று கேமரா சென்சார்கள் வழங்கப்படுகின்றன. மேலும் இந்த ஸ்மார்ட்போன் ஸ்னாப்டிராகன் 750ஜி பிராசஸர், அதிகபட்சம் 12 ஜிபி ரேம், 256 ஜிபி மெமரி, 4500 எம்ஏஹெச் பேட்டரி, 30டி வார்ப் சார்ஜ் வசதி கொண்டிருக்கும் என கூறப்படுகிறது.
விலையை பொருத்தவரை ஒன்பிளஸ் நார்டு CE 5ஜி மாடல் விலை ரூ. 22,999 வரை நிர்ணயம் செய்யப்படலாம் என குறிப்பிடப்பட்டு இருக்கிறது. இது கடந்த ஆண்டு வெளியான ஒன்பிளஸ் நார்டு விலையை விட குறைவு ஆகும். அந்த வகையில், இதுபற்றிய அதிகாரப்பூர்வ தகவல் ஜூன் 10 ஆம் தேதி வெளியாகிவிடும்.
