சாம்சங் நிறுவனத்தின் கேலக்ஸி ஏ51 ஸ்மார்ட்போனிற்கு ஆண்ட்ராய்டு 11 அப்டேட் வழங்கப்படுகிறது. முதற்கட்டமாக ரஷ்யாவில் உள்ள பயனர்களுக்கு ஆண்ட்ராய்டு 11 சார்ந்த ஒன் யுஐ 3.0 வழங்கப்பட்டு வருகிறது.
புது அப்டேட் கேலக்ஸி ஏ51 பயனர்களுக்கு மேம்பட்ட யுஐ, முன்பை விட சிறப்பான பிரைவசி அம்சங்கள், சாட் பபிள்கள், பேரண்டல் கண்ட்ரோல், மேம்பட்ட ஆல்வேஸ் ஆன் டிஸ்ப்ளே என் பல்வேறு அம்சங்கள் கிடைக்கும். இத்துடன் பிப்ரவரி மாதத்திற்கான ஆண்ட்ராய்டு செக்யூரிட்டி பேட்ச் வழங்கப்படுகிறது.
இந்தியாவில் விற்பனை செய்யப்பட்ட கேலக்ஸி ஏ51 ஸ்மார்ட்போன்களில் ஆண்ட்ராய்டு 10 ஒஎஸ் வழங்கப்பட்டு இருக்கிறது. புதிய ஆண்ட்ராய்டு அப்டேட் இந்திய வெளியீடு பற்றி சாம்சங் சார்பில் இதுவரை எந்த தகவலும் வழங்கப்படவில்லை. மூன்று ஆண்டு ஆண்ட்ராய்டு அப்கிரேடு பெறும் சாம்சங் ஸ்மார்ட்போன்களில் இந்த மாடல் இடம்பெற்று இருக்கிறது.
இந்த ஸ்மார்ட்போன் ஆண்ட்ராய்டு 10 ஒஎஸ் உடன் கடந்த ஆண்டு அறிமுகம் செய்யப்பட்டது. இதனால் இந்த ஸ்மார்ட்போனிற்கு மூன்று ஆண்ட்ராய்டு அப்டேட்கள் வழங்கப்படலாம்.
