இணையத்தில் லீக் ஆன புது ஒன்பிளஸ் ஸ்மார்ட்போன் விவரங்கள்

ஒன்பிளஸ் நிறுவனத்தின் புது ஒன்பிளஸ் 9 ப்ரோ ஸ்மார்ட்போன் 45 வாட் வயர்லெஸ் சார்ஜிங் வசதி கொண்டிருக்கும் என தகவல் வெளியாகி உள்ளது. முன்னதாக கடந்த ஆண்டு அறிமுகமான ஒன்பிளஸ் 8 ப்ரோ மாடலில் முதல்முறையாக ஒன்பிளஸ் நிறுவனம் வயர்லெஸ் சார்ஜிங் வசதியை வழங்கி இருந்தது.

ஒன்பிளஸ் 8 ப்ரோ மாடலில் 30 வாட் வயர்லெஸ் சார்ஜிங் வசதி வழங்கப்பட்டது. தற்சமயம் சியோமி மற்றும் ஹூவாய் நிறுவனங்கள் உடனான போட்டியை எதிர்கொள்ள ஒன்பிளஸ் நிறுவனம் தனது புதிய ஒன்பிளஸ் 9 ப்ரோ மாடலில் 45 வாட் வயர்லெஸ் சார்ஜிங் வசதியை வழங்க இருப்பதாக கூறப்படுகிறது.

ஒன்பிளஸ் 9 ப்ரோ மாடலில் வயர்லெஸ் சார்ஜிங் மட்டுமின்றி ரிவர்ஸ் வயர்லெஸ் சார்ஜிங் வசதியும் வழங்கப்படலாம் என எதிர்பார்க்கப்படுகிறது. மேலும் இந்த ஸ்மார்ட்போனில் 4500 எம்ஏஹெச் பேட்டரி வழங்கப்படலாம் என தெரிகிறது. 

ஒன்பிளஸ் 9 சீரிசில் ஒன்பிளஸ் 9, ஒன்பிளஸ் 9 ப்ரோ மற்றும் ஒன்பிளஸ் 9 லைட் என மூன்று ஸ்மார்ட்போன்கள் வெளியாகும் என கூறப்படுகிறது. இதில் ஒன்பிளஸ் 9 லைட் குவால்காம் ஸ்னாப்டிராகன் 865 பிராசஸர் கொண்டிருக்கும் என்றும் ஒன்பிளஸ் 9 மற்றும் ஒன்பிளஸ் 9 ப்ரோ மாடல்களில் ஸ்னாப்டிராகன் 888 5ஜி பிராசஸர் வழங்கப்படும் என கூறப்படுகிறது.