சாம்சங் நிறுவனம் தனது பட்ஜெட் ரக ஸ்மார்ட்போன் மாடல்களை இந்தியாவில் விரிவுப்படுத்தும் பணிகளில் ஈடுபட்டு வருகிறது. அந்த வரிசையில் புதுவரவு மாடலாக கேலக்ஸி எம்01 கோர் இந்தியாவில் அறிமுகம் செய்யப்பட்டு உள்ளது. முன்னதாக சாம்சங் கேலக்ஸி எம்01எஸ் அறிமுகம் செய்யப்பட்டது.
சிறப்பம்சங்களை பொருத்தவரை புதிய கேலக்ஸி எம்01 கோர் மாடலில் 5.3 இன்ச் ஹெச்டி பிளஸ் 720x1480 பிக்சல் இன்ஃபினிட்டி வி டிஸ்ப்ளே, குவாட்கோர் மீடியாடெக் எம்டி6739 பிராஸர், 1ஜிபி/2ஜிபி ரேம், 16ஜிபி/32ஜிபி மெமரி வழங்கப்பட்டுள்ளது. இத்துடன் மெமரியை கூடுதலாக நீட்டிக்கும் வசதியும் வழங்கப்பட்டு உள்ளது.
புகைப்படங்களை எடுக்க 8 எம்பி பிரைமரி கேமரா,f/2.2 மற்றும் 5 எம்பி செல்ஃபி கேமரா, f/2.4 வழங்கப்பட்டு உள்ளது. இத்துடன் அக்செல்லோமீட்டர், விர்ச்சுவல் பிராக்சிமிட்டி சென்சிங் மற்றும் 3000 எம்ஏஹெச் பேட்டரி வழங்கப்பட்டு இருக்கிறது.
சாம்சங் கேலக்ஸி எம்01 கோர் சிறப்பம்சங்கள்
- 5.3 இன்ச் 720x1480 பிக்சல் இன்ஃபினிட்டி வி டிஸ்ப்ளே
- 1.5 ஜிகாஹெர்ட்ஸ் மீடியாடெக் எம்டி6739 பிராசஸர்
- பவர்விஆர் ரோக் ஜிஇ8100 ஜிபியு
- 1ஜிபி / 2ஜிபி ரேம்
- 16ஜிபி / 32ஜிபி மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 10 கோ எடிஷன்
- டூயல் சிம் ஸ்லாட்
- 8 எம்பி பிரைமரி கேமரா, f/2.2
- 5 எம்பி செல்ஃபி கேமரா, f/2.4
- 3.5 எம்எம் ஆடியோ ஜாக்
- டூயல் 4ஜி வோல்ட்இ, வைபை, ப்ளூடூத் 5
- 3000 எம்ஏஹெச் பேட்டரி
சாம்சங் கேலக்ஸி எம்01 கோர் ஸ்மார்ட்போன் பிளாக், புளூ மற்றும் ரெட் என மூன்று நிறங்களில் கிடைக்கிறது. இந்தியாவில் இதன் 1ஜிபி ரேம், 16ஜிபி மெமரி மாடல் விலை ரூ. 5499 என்றும் 2ஜிபி ரேம், 32ஜிபி மெமரி மாடல் விலை ரூ. 6499 என நிர்ணயம் செய்யப்பட்டு உள்ளது.
