சியோமி நிறுவனத்தின் ரெட்மி 9 ஸ்மார்ட்போன் 3 ஜிபி, 4 ஜிபி ரேம் மற்றும் 32 ஜிபி, 64 ஜிபி மெமரி ஆப்ஷன்களில் வெளியிடப்பட்டது. தற்சமயம் ரெட்மி 9 ஸ்மார்ட்போனின் புதிய வேரியண்ட் அறிமுகமாக இருப்பது சீன வலைதளத்தில் வெயலியாகி இருக்கிறது.
சீன வலைதள விவரங்களின் படி புதிய ஸ்மார்ட்போன் M2004J19G எனும் மாடல் நம்பர் கொண்டிருக்கிறது. புதிய ரெட்மி 9 ஸ்மார்ட்போனில் 6 ஜிபி ரேம், 128 ஜிபி மெமரி கொண்டிருக்கும் என தெரிகிறது. இதன் அம்சங்கள் முழுக்க சீன சந்தைக்கு ஏற்ற வகையில் இருக்கிறது.
புதிய ஸ்மார்ட்போன் பிளாக், புளூ, கிரீன், பின்க், ரெட் மற்றும் வைட் நிறங்களில் கிடைக்கிறது. ஸ்மார்ட்போனின் மற்ற அம்சங்கள் சரவ்தேச சந்தை வேரியண்ட்டில் உள்ளது போன்றே வழங்கப்பட்டுள்ளது.
சிறப்பம்சங்களை பொருத்தவரை ரெட்மி 9 ஸ்மார்ட்போனில் 6.53 இன்ச் ஐபிஎஸ் எல்சிடி ஸ்கிரீன், ஃபுல் ஹெச்டி பிளஸ் ரெசல்யூஷன் மற்றும் நாட்ச் டிசைன் கொண்டிருக்கிறது. இத்துடன் மீடியாடெக் ஹீலியோ ஜி80 பிராசஸர், 5020 எம்ஏஹெச் பேட்டரி, 18 வாட் ஃபாஸ்ட் சார்ஜிங் வசதி வழங்கப்பட்டுள்ளது.
