என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
விரைவில் இந்தியா வரும் மோட்டோரோலா ஒன் பியூஷன் பிளஸ்
Byமாலை மலர்12 Jun 2020 5:26 AM GMT (Updated: 12 Jun 2020 5:26 AM GMT)
மோட்டோரோலா நிறுவனத்தின் மோட்டோரோலா ஒன் பியூஷன் பிளஸ் ஸ்மார்ட்போன் விரைவில் இந்தியாவில் அறிமுகம் செய்யப்பட இருக்கிறது.
மோட்டோரோலா நிறுவனம் தனது ஒன் பியூஷன் பிளஸ் ஸ்மார்ட்போனினை கடந்த வாரம் ஐரோப்பிய சந்தையில் அறிமுகம் செய்தது. தற்சமயம் இந்த ஸ்மார்ட்போன் இந்திய சந்தையில் அறிமுகம் செய்யப்பட இருக்கிறது. இதனை மோட்டோரோலா நிறுவனம் டீசர் மூலம் தெரியப்படுத்தி இருக்கிறது.
டீசரில் பாப் அப் கேமரா கொண்ட ஸ்மார்ட்போனின் புகைப்படம் இணைக்கப்பட்டுள்ளது. டீசர் புகைப்படத்தில் உள்ள ஸ்மார்ட்போன் இடதுபுறத்தில் பாப் அப் கேமரா கொண்டிருக்கிறது. அந்த வகையில் ஒன் பியூஷன் பிளஸ் மாடல் தான் விரைவில் அறிமுகம் செய்யப்பட இருக்கிறது என தெரியவந்துள்ளது. புதிய ஸ்மார்ட்போன் வெளியீட்டு தேதி இன்னும் அறிவிக்கப்படவில்லை.
சிறப்பம்சங்களை பொருத்தவரை மோட்டோரோலா ஒன் பியூஷன் பிளஸ் மாடலில் 6.5 இன்ச் FHD+ டோட்டல் விஷன் டிஸ்ப்ளே, ஸ்னாப்டிராகன் 730 பிராசஸர், 6 ஜிபி ரேம், 128 ஜிபி மெமரி, மெமரியை நீட்டிக்கும் வசதி கொண்டிருக்கிறது. பிளாஸ்டிக் பாடி மற்றும் கிளாசி ஃபினிஷ், வளைந்த எட்ஜ் கொண்டிருக்கிறது. இதன் பின்புறம் கைரேகை சென்சார் வழங்கப்படுகிறது.
புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு கேமரா, 5 எம்பி மேக்ரோ மற்றும் 2 எம்பி டெப்த் கேமரா என நான்கு சென்சார்களை கொண்டிருக்கிறது. இதன் முன்புறம் 16 எம்பி செல்ஃபி கேமரா வழங்கப்பட்டு இருக்கிறது.
மோட்டோரோலா ஒன் பியூஷன் பிளஸ் ஸ்மார்ட்போனில் ஆண்ட்ராய்டு 10 இயங்குதளம், 5000 எம்ஏஹெச் பேட்டரி மற்றும் 15 வாட் டர்போ பவர் சார்ஜிங் வசதி வழங்கப்பட்டுள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X