சாம்சங் நிறுவனத்தின் கேலக்ஸி எம்21 ஸ்மார்ட்போன் மார்ச் மாத வாக்கில் இந்தியாவில் அறிமுகம் செய்யப்பட்டது. இந்நிலையில், இதன் விலை குறைக்கப்பட்டு இருக்கிறது. விலை குறைப்பின் படி சாம்சங் கேலக்ஸி எம்21 விலை ரூ. 13,199 ஆக மாற்றப்பட்டு இருக்கிறது.
இந்தியாவில் ரூ. 12,999 எனும் துவக்க விலையில் அறிமுகம் செய்யப்பட்ட கேலக்ஸி எம்21 ஸ்மார்ட்போனின் விலை ஜிஎஸ்டி வரி உயர்வு காரணமாக அதிகரிக்கப்பட்டது. அந்த வகையில் இதன் புதிய விலை ரூ. 14,222 ஆக மாற்றப்பட்டது. இந்நிலையில் இதன் விலை தற்சமயம் ரூ. 13,199 ஆற மாறியிருக்கிறது. இது கேலக்ஸி எம்21 (4ஜிபி + 63 ஜிபி) மாடலுக்கானது ஆகும்.
கேலக்ஸி எம்21 (6 ஜிபி + 128 ஜிபி) மாடல் விலை ரூ. 16,499 இல் இருந்து தற்சமயம் ரூ. 15,499 ஆக மாற்றப்பட்டு இருக்கிறது. முன்னதாக இந்த வேரியண்ட் ரூ. 14,999 விலையில் அறிமுகம் செய்யப்பட்டது குறிப்பிடத்தக்கது.
சிறப்பம்சங்களை பொருத்தவரை கேலக்ஸி எம்21 ஸ்மார்ட்போனில் 6.4 இன்ச் ஃபுல் ஹெச்.டி. பிளஸ் இன்ஃபினிட்டி யு சூப்பர் AMOLED டிஸ்ப்ளே, எக்சைனோஸ் 9611 பிராசஸர், அதிகபட்சம் 4 ஜி.பி. ரேம் வழங்கப்பட்டுள்ளது.
புகைப்படங்களை எடுக்க 48 எம்.பி. பிரைமரி கேமரா, 8 எம்.பி. 123° அல்ட்ரா வைடு ஆங்கில் கேமரா, 5 எம்.பி. டெப்த் சென்சார், 20 எம்.பி. செல்ஃபி கேமரா வழங்கப்படுகிறது.
பிளாஸ்டிக் பாடி, பிர்தயேக டூயல் சிம் ஸ்லாட், மைக்ரோ எஸ்.டி. ஸ்லாட்களை கொண்டிருக்கும் சாம்சங் கேலக்ஸி எம்21 ஸ்மார்ட்போனில் 6000 எம்.ஏ.ஹெச். பேட்டரி, 15 வாட் ஃபாஸ்ட் சார்ஜிங் வசதி வழங்கப்பட்டுள்ளது.
