என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
தொலைதொடர்பு துறைக்கு ரூ.10,000 கோடி நிலுவை தொகையை செலுத்தியது ஏர்டெல்
Byமாலை மலர்17 Feb 2020 11:03 AM GMT (Updated: 17 Feb 2020 11:03 AM GMT)
மத்திய தொலைதொடர்பு துறைக்கு ஏர்டெல் வழங்க வேண்டிய நிலைவை தொகையில் ரூ. 10,000 கோடியை அந்நிறுவனம் செலுத்தியது.
பாரதி ஏர்டெல் நிறுவனம் மத்திய அரசுக்கு உரிமம் கட்டணம், ஸ்பெக்ட்ரம் அலைக்கற்றை பயன்பாட்டுக் கட்டணம் உள்பட கிட்டத்தட்ட ரூ.35,586 கோடி நிலுவை தொகையை பாக்கி வைத்திருக்கிறது. நிலுவை தொகையை உடனடியாக செலுத்துமாறு ஏர்டெல், வோடபோன் ஐடியா ஆகிய நிறுவனங்களுக்கு தொலைதொடர்புதுறை கடந்த 14-ந்தேதி உத்தரவிட்டு இருந்தது.
இதையடுத்து பிப்ரவரி 20-ந்தேதிக்குள் ரூ.10,000 கோடியையும் மீதுமுள்ள நிலுவை தொகையை மார்ச் 17-ந்தேதிக்குள் செலுத்துவதாக ஏர்டெல் பதில் அளித்து இருந்தது. இந்த நிலையில் மத்திய அரசு விதித்த காலக்கெடு மீது சுப்ரீம் கோர்ட்டு எடுத்த நடவடிக்கையின் அடிப்படையில் தொலைதொடர்பு துறைக்கு ரூ.10,000 கோடி நிலுவை தொகையை ஏர்டெல் நிறுவனம் இன்று செலுத்தியது.
மத்திய அரசுக்கு பாரதி ஏர்டெல், பாரதி ஹெக்ஸ்காம் மற்றும் டெலினார் சார்பாக மொத்தம் ரூ.10,000 கோடி செலுத்தப்பட்டது. பாரதி ஏர்டெல் (டெலினார் உள்பட) ரூ.9,500 கோடியையும், ஹெக்ஸ்காம் ரூ.500 கோடியை அளித்தது.
நிறுவனத்தின் சுய மதிப்பீட்டு கணக்கை விரைவாக முடிக்கும் பணியில் ஈடுபட்டுள்ளோம் என்றும், சுப்ரீம் கோர்ட்டில் அடுத்த விசாரணைக்கு முன்னர் அல்லது விசாரணை முடிந்தவுடன் மீதமுள்ள நிலுவை தொகையை செலுத்த தேவையான நடவடிக்கைகளை எடுத்து வருகிறோம் என்றும் ஏர்டெல் தெரிவித்து உள்ளது.
இதுதவிர நிறுவனத்தின் சுய மதிப்பீட்டு கணக்கை முடிக்கும் பணிகளில் ஈடுபட்டுள்ளதாக தெரிவித்த வோடபோன், இன்று ரூ. 2500 கோடியையும், வரும் வெள்ளிக்கிழமைக்குள் (பிப்ரவரி 21) ரூ. 1000 கோடியை செலுத்துவதாக சுப்ரீம் கோர்ட்டில் தெரிவித்தது. எனினும், வோடபோன் நிறுவன கோரிக்கையை சுப்ரீம் கோர்ட் நிராகரித்து விட்டது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X