என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
கேலக்ஸி எஸ்20 சீரிஸ் மற்றும் கேலக்ஸி ஃபோல்டு 2 ஸ்மார்ட்போன் அறிமுக விவரம்
Byமாலை மலர்6 Jan 2020 4:54 AM GMT (Updated: 6 Jan 2020 4:54 AM GMT)
சாம்சங் நிறுவனம் கேலக்ஸி அன்பேக்டு 2020 நிகழ்வுக்கான துவக்க தேதி மற்றும் இடத்தை அதிகாரப்பூர்வமாக அறிவித்துள்ளது.
சாம்சங் நிறுவனத்தின் கேலக்ஸி அன்பேக்டு 2020 விழா பிப்ரவரி 11-ம் தேதி சான் ஃபிரான்சிஸ்கோ நகரில் நடைபெற இருக்கிறது. இந்த நிகழ்வில் அந்நிறுவனம் அடுத்த தலைமுறை மொபைல் அனுபவங்களை உருவாக்கும் புதுமைமிக்க வித்தியாசமான சாதனங்களை அறிமுகம் செய்ய இருப்பதாக தெரிவித்துள்ளது.
இதுவரை கிடைத்திருக்கும் தகவல்களின் படி சாம்சங் நிறுவனம் கேலக்ஸி எஸ்10 சீரிசில் இருந்து கேலக்ஸி எஸ்20 சீரிசுக்கு மாற இருப்பதாக கூறப்படுகிறது. அந்த வகையில் கேலக்ஸி எஸ்20, கேலக்ஸி எஸ்20 பிளஸ், கேலக்ஸி எஸ்20 அல்ட்ரா மற்றும் கேலக்ஸி ஃபோல்டு 2 போன்ற ஸ்மார்ட்போன்களை அறிமுகம் செய்யலாம் என எதிர்பார்க்கப்படுகிறது.
முன்னதாக வெளியான தகவல்களில் கேலக்ஸி எஸ்11 ஸ்மார்ட்போனில் 108 எம்.பி. பிரைமரி கேமரா, 5x டெலிபோட்டோ லென்ஸ், அல்ட்ரா வைடு ஆங்கில் லென்ஸ், 3டி டைம் ஆஃப் பிலைட் கேமரா வழங்கப்படும் என தெரிகிறது. கேலக்ஸி எஸ்20 ஸ்மார்ட்போனில் நான்கு பிரைமரி கேமரா, கேலக்ஸி எஸ்20 பிளஸ் மாடலில் 5000 எம்.ஏ.ஹெச். பேட்டரி வழங்கப்படும் என கூறப்படுகிறது.
கேலக்ஸி எஸ்20 அல்ட்ரா ஸ்மார்ட்போனில் 6.9 இன்ச் வளைந்த டைனமிக் AMOLED டிஸ்ப்ளே வழங்கப்படும் என கூறப்டுகிறது. கேலக்ஸி நோட் 10, நோட் 10 பிளஸ் போன்று கேலக்ஸி எஸ்20 அல்ட்ரா ஸ்மார்ட்போனின் மத்தியில் பன்ச் ஹோல் கேமரா வழங்கப்படும் என தகவல் வெளியாகி இருக்கிறது.
ஸ்மார்ட்போன்கள் தவிர கேலக்ஸி பட்ஸ் பிளஸ் இயர்பட்ஸ்களையும் அறிமுகம் செய்யலாம் என கூறப்படுகிறது. இதில் யு.எஸ்.பி. டைப்-சி, வயர்லெஸ் சார்ஜிங் மற்றும் ஆக்டிவ் நாய்ஸ் கேன்சலேஷன் வசதி வழங்கப்படலாம்.
புதிய கேலக்ஸி ஃபோல்டு ஸ்மார்ட்போன் புளூம் என்ற குறியீட்டு பெயரில் உருவாகி வருவதாக கூறப்படுகிறது. இந்த ஸ்மார்ட்போன் SM-F700F எனும் மாடல் நம்பரில் உருவாகி வருவதாகவும், இதில் 6.7 இன்ச் மடிக்கக்கூடிய டிஸ்ப்ளே, 1 இன்ச் கவர் டிஸ்ப்ளே வழங்கப்படலாம்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X