சியோமியின் ரெட்மி பிராண்டு இந்தியாவில் ரெட்மி 8ஏ ஸ்மார்ட்போனினை அறிமுகம் செய்துள்ளது. புதிய ஸ்மார்ட்போனில் 6.22 இன்ச் ஹெச்.டி. பிளஸ் 19:9 டிஸ்ப்ளே, டாட் நாட்ச், கார்னிங் கொரில்லா கிளாஸ் 5 வழங்கப்பட்டுள்ளது.
ஆக்டா கோர் ஸ்னாப்டிராகன் 439 பிராசஸர், 3 ஜி.பி. ரேம், ஆண்ட்ராய்டு பை மற்றும் MIUI 10 வழங்கப்பட்டுள்ளது. புகைப்படங்களை எடுக்க 12 எம்.பி. பிரைமரி கேமரா, 8 எம்.பி. செல்ஃபி கேமரா வழங்கப்பட்டுள்ளது. இதில் கைரேகை சென்சாருக்கு மாற்றாக ஃபேஸ் அன்லாக் வசதி வழங்கப்பட்டுள்ளது.
பிளாஸ்டிக் பேக் மற்றும் அரோரா வேவ் க்ரிப் வடிவமைப்பு கொண்டிருக்கும் ரெட்மி 8ஏ P2i கோட்டிங் கொண்டிருக்கிறது. இத்துடன் பிரத்யேக டூயல் சிம் ஸ்லாட்கள், 5000 எம்.ஏ.ஹெச். பேட்டரி, 18 வாட் ஃபாஸ்ட் சார்ஜிங், யு.எஸ்.பி. டைப்-சி போர்ட் வழங்கப்பட்டுள்ளது.
ரெட்மி 8ஏ சிறப்பம்சங்கள்:
- 6.22 இன்ச் 1520x720 பிக்சல் ஹெச்.டி. பிளஸ் 19:9 2.5D வளைந்த கிளாஸ் டிஸ்ப்ளே
- கார்னிங் கொரில்லா கிளாஸ் 5
- ஆக்டா கோர் ஸ்னாப்டிராகன் 439 பிராசஸர்
- அட்ரினோ 505 GPU
- 2 ஜி.பி. / 3 ஜி.பி. LPDDR3 ரேம்
- 32 ஜி.பி. eMMC 5.1 மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 9.0 பை மற்றும் MIUI 10
- டூயல் சிம் ஸ்லாட்
- 12 எம்.பி. பிரைமரி கேமரா, எல்.இ.டி. ஃபிளாஷ், சோனி IMX363, 1.4μm பிக்சல், f/1.9, 6P லென்ஸ், டூயல் PD ஆட்டோஃபோகஸ்
- 8 எம்.பி. செல்ஃபி கேமரா, f/2.0, 1.12µm பிக்சல்
- ஸ்பிலாஷ் ரெசிஸ்டண்ட் (P2i கோட்டிங்)
- 3.5 எம்.எம். ஆடியோ ஜாக்
- வயர்லெஸ் எஃப்.எம். ரேடியோ
- டூயல் 4ஜி வோல்ட்இ, வைபை, ப்ளூடூத்
- யு.எஸ்.பி. டைப்-சி
- 5000 எம்.ஏ.ஹெச். பேட்டரி
- 18 வாட் ஃபாஸ்ட் சார்ஜிங்
ரெட்மி 8ஏ ஸ்மார்ட்போன் மிட்நைட் பிளாக், ஓசன் புளு மற்றும் சன்செட் ரெட் நிறங்களில் கிடைக்கிறது. இதன் 2 ஜி.பி. ரேம், 32 ஜி.பி. மெமரி மாடல் விலை ரூ. 6,499 என்றும் 3 ஜி.பி. ரேம், 32 ஜி.பி. மெமரி மாடல் விலை ரூ. 6,999 என நிர்ணயம் செய்யப்பட்டுள்ளது. இதன் விற்பனை ப்ளிப்கார்ட் மற்றும் Mi அதிகாரப்பூர்வ வலைத்தளங்களில் செப்டம்பர் 29 ஆம் தேதி துவங்குகிறது.
