சாம்சங் நிறுவனத்தின் கேலக்ஸி ஏ9 (2018) ஸ்மார்ட்போன் மலேசியாவில் கடந்த மாதம் அறிமுகம் செய்யப்பட்டது. மலேசிய அறிமுக நிகழ்வின் போதே இந்த ஸ்மார்ட்போன் இந்தியாவில் நவம்பர் மாத வாக்கில் அறிமுகமாகும் என சாம்சங் அறிவித்தது. இந்நிலையில், கேலக்ஸி ஏ9 (2018) ஸ்மார்ட்போனின் இந்திய விலைவிவரங்கள் தெரியவந்துள்ளது.
இந்தியாவில் நவம்பர் 4ம் தேதி கேலக்ஸி ஏ9 ஸ்மார்ட்போன் அறிமுகம் செய்யப்பட இறுக்கும் நிலையில், இதன் விலை அந்நிறுவன வலைதளத்திலேயே லீக் ஆகியுள்ளது. மலேசிய சந்தையில் கேலக்ஸி ஏ9 (2018) ஸ்மார்ட்போன் விலை 599 யூரோ (இந்திய மதிப்பில் ரூ.51,300) என நிர்ணயம் செய்யப்பட்டது.
அந்த வகையில் இந்தியாவில் கேலக்ஸி ஏ9 ஸ்மார்ட்போனின் விலை ரூ.39,000 வரை நிர்ணயம் செய்யப்படலாம் என தெரிகிறது. இந்த விவரம் சாம்சங் நிறுவன வலைதளத்தின் சோர்ஸ் கோடில் தெரியவந்துள்ளது.
சாம்சங் கேலக்ஸி ஏ9 ஸ்மார்ட்போனில் 6.3 இன்ச் ஃபுல் ஹெச்.டி. பிளஸ் சூப்பர் AMOLED ஸ்கிரீன், ஸ்னாப்டிராகன் 710 பிராசஸர், 8 ஜி.பி. ரேம், பின்புறம் கைரேகை சென்சார் மற்றும் 3800 எம்.ஏ.ஹெச். பேட்டரி வழங்கப்பட்டுள்ளது. இத்துடன் ஃபாஸ்ட் சார்ஜிங் வசதியும் வழங்கப்பட்டுள்ளது.
சாம்சங் கேலக்ஸி ஏ9 (2018) சிறப்பம்சங்கள்:
- 6.3 இன்ச் 1080x2220 பிக்சல் ஃபுல் ஹெச்.டி. பிளஸ் சூப்பர் AMOLED இன்ஃபினிட்டி டிஸ்ப்ளே
- ஆக்டா-கோர் ஸ்னாப்டிராகன் 710 10nm பிராசஸர்
- அட்ரினோ 616 GPU
- 6 ஜி.பி. / 8 ஜி.பி. ரேம்
- 128 ஜி.பி. மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.0 ஓரியோ
- டூயல் சிம் ஸ்லாட்
- 24 எம்.பி. பிரைமரி கேமரா, எல்.இ.டி. ஃபிளாஷ், f/1.7 aperture
- 10 எம்.பி. டெலிபோட்டோ லென்ஸ், f/2.4
- 8 எம்.பி. அல்ட்ரா வைடு லென்ஸ் கேமரா
- 5 எம்.பி டெப்த் கேமரா
- 24 எம்.பி. செல்ஃபி கேமரா f/2.0
- கைரேகை சென்சார்
- 4ஜி வோல்ட்இ, வைபை, ப்ளூடூத்
- 3800 எம்.ஏ.ஹெச். பேட்டரி
- அடாப்டிவ் ஃபாஸ்ட் சார்ஜிங்
