என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
இணையத்தில் லீக் ஆன ஐந்து கேமரா கொண்ட நோக்கியா ஸ்மார்ட்போன்
Byமாலை மலர்29 Sep 2018 10:07 AM GMT (Updated: 29 Sep 2018 10:07 AM GMT)
ஹெச்.எம்.டி. குளோபல் நிறுவனத்தின் நோக்கியா 9 ஸ்மார்ட்போன் இந்த ஆண்டு அறிமுகமாக இருக்கும் நிலையில், இதன் புகைப்படம் இணையத்தில் லீக் ஆகியுள்ளது. #Nokia9
ஹெச்.எம்.டி. குளோபல் நிறுவனம் நோக்கியா 9 ஸ்மார்ட்போன் இந்த ஆண்டு அறிமுகமாகும் என அறிவித்து இருந்த நிலையில், புதிய ஸ்மார்ட்போனின் விவரங்கள் இணையத்தில் வெளியாகி வருகின்றன.
அந்த வகையில் ஸ்மார்ட்போனின் நிஜ புகைப்படம் இணையத்தில் லீக் ஆகியுள்ளது. இதில் ஸ்மார்ட்போனின் முன்புறம் தெளிவாக காட்சியளிக்கிறது. லீக் ஆன புகைப்படம் வெய்போவில் பதிவிடப்பட்டுள்ளது. அதன்படி நோக்கியா 9 மாடலில் நாட்ச் ரக டிஸ்ப்ளே வழங்கப்படாது என தெரியவந்துள்ளது.
எனினும் ஸ்மார்ட்போனின் மேல்புறம் மற்றும் கீழ்புறங்களில் தடிமனான பெசல்களை கொண்டிருக்கிறது. இத்துடன் போனின் பக்கவாட்டுகளில் வளைந்த வடிவமைப்பு கொண்டிருப்பதால் பிரீமியம் தோற்றம் கொண்டுள்ளது. இதேபோன்ற வடிவமைப்பு சமீபத்திய சாம்சங் ஃபிளாக்ஷிப் மாடல்களிலும் காணப்படுவது குறிப்பிடத்தக்கது.
ஒட்டுமொத்த வடிவமைப்பின் படி புதிய ஸ்மார்ட்போன் பார்க்க நோக்கியா 8 சிரோக்கோ போன்றே காட்சியளிக்கிறது. இத்துடன் யு.எஸ்.பி. டைப்-சி போர்ட் வழங்கப்பட்டுள்ளது. இதுதவிர ஸ்மார்ட்போனின் விவரங்கள் எதுவும் அறியப்படவில்லை.
புகைப்படம் நன்றி: QuansongKJ
ஏற்கனவே வெளியான தகவல்களின் படி புதிய நோக்கியா ஸ்மார்ட்போனின் ஐந்து கேமரா லென்ஸ் 1-1-3 என்ற அடிப்படையில் பொருத்தப்பட்டு ஒன்றில் எல்.இ.டி. ஃபிளாஷ் இடம்பெற்றுள்ளது. பின்புறம் வட்ட வடிவில் சீராக ஐந்து கேமரா லென்ஸ் மட்டும் காணப்படும் நிலையில், கைரேகை சென்சார் இடம்பெறவில்லை.
அந்த வகையில் ஆப்பிள் நிறுவனம் போன்று 3டி ஃபேஸ் அன்லாக் அல்லது இன்-டிஸ்ப்ளே கைரேகை சென்சார் தொழில்நுட்பம் வழங்கப்படலாம் என எதிர்பார்க்கப்படுகிறது. சிறப்பம்சங்களை பொருத்த வரை 5.9 இன்ச் குவாட் ஹெச்.டி. OLED ஸ்கிரீன், ஸ்னாப்டிராகன் 845 பிராசஸர், 8 ஜிபி ரேம் மற்றும் OZO ஆடியோ உள்ளிட்டவை வழங்கப்படலாம் என எதிர்பார்க்கப்படுகிறது.
சமீபத்தில் ஹெச்.எம்.டி. குளோபல் நிறுவனம் பியூர் வியூ பிரான்டை கைப்பற்றியது. இதே பிரான்டினை நோக்கியா விற்பனையை மைக்ரோசாஃப்ட் கைப்பற்றியதும் வாங்கியிருந்தது குறிப்பிடத்தக்கது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X