ஒன்பிளஸ் நிறுவனத்தின் புதிய ஃபிளாக்ஷிப் ஸ்மார்ட்போன் விவரங்கள் தொடர்ந்து இணையத்தில் வெளியாகி வருகிறது. அந்த வரிசையில் ஒன்பிளஸ் 6டி ஸ்மார்ட்போனின் பேட்டரி விவரங்கள் வெளியாகியுள்ளது.
சமீபத்தில் லீக் ஆகியிருக்கும் புகைப்படத்தின் படி புதிய ஒன்பிளஸ் 6டி மாடலில் 3700 எம்.ஏ.ஹெச். பேட்டரி வழங்கப்படலாம் என தெரியவந்துள்ளது. இது முந்தைய ஒன்பிளஸ் 6 மாடலில் வழங்கப்பட்டு இருப்பதை விட அதிகம் ஆகும். ஒன்பிளஸ் 6 மாடலில் 3300 எம்.ஏ.ஹெச். பேட்டரி வழங்கப்பட்டது.
மேலும் இணையத்தில் லீக் ஆகியிருக்கும் ரென்டர்களில் புதிய ஒன்பிளஸ் 6டி மாடலில் வாட்டர்டிராப்-வடிவம் கொண்ட நாட்ச் மற்றும் பக்கவாட்டுகளில் மெல்லிய பெசல்கள் வழங்கப்படலாம் என கூறப்படுகிறது. ஸ்மார்ட்போனின் பின்புறம் டூயல் பிரைமரி கேமரா அமைப்பு கொண்டிருக்கும்.
வெய்போவில் வெளியாகி இருக்கும் தகவல்களில் ஒன்பிளஸ் 6டி மாடலில் 3700 எம்.ஏ.ஹெச். பேட்டரி வழங்கப்படலாம் என தெரிவிக்கப்பட்டு இருக்கிறது. இதில் பேட்டரி மாடல் நம்பர், திறன் மற்றும் ஒன்பிளஸ் சார்ஜரை மட்டும் பயன்படுத்த வேண்டும் என்ற வாசகம் அச்சிடப்பட்டுள்ளது.
ஒன்பிளஸ் 6 போன்றே புதிய ஒன்பிளஸ் 6டி ஸ்மார்ட்போனிலும் ஸ்னாப்டிராகன் 845 பிராசஸர் வழங்கப்படும் என்றும், முந்தைய ஸ்மார்ட்போனினை விட அதிகளவு பேட்டரி பேக்கப் கொண்டிருக்கும் என அவர் மேலும் தெரிவித்தார். ஒன்பிளஸ் 6டி ஸ்மார்ட்போனில் ஹெட்போன் ஜாக் இருக்காது என்பதை ஒன்பிளஸ் உறுதி செய்திருக்கிறது.
ஒன்பிளஸ் 6டி ஸ்மார்ட்போனில் 6.4 இன்ச், 2340x1080 AMOLED டிஸ்ப்ளே, வாட்டர் டிராப் நாட்ச், குவால்காம் ஸ்னாப்டிராகன் 845 சிப்செட், 8 ஜிபி ரேம், ஆன்ட்ராய்டு 9.0 பை இயங்குதளம் உள்ளிட்டவை வழங்கப்படலாம் என எதிர்பார்க்கப்படுகிறது. புகைப்படங்களை எடுக்க முந்தைய ஒன்பிளஸ் 6 போன்றே 16 எம்.பி. + 20 எம்.பி. பிரைமரி கேமரா மற்றும் மேம்படுத்தப்பட்ட ஏ.ஐ. அம்சங்கள் வழங்கப்படலாம்.
