நீங்கள் தேடியது "தங்கதமிழ்செல்வன்"

ஒட்டன்சத்திரம்:

ஒட்டன்சத்திரத்தில் அ.ம.மு.க. சார்பில் திண்டுக்கல் மேற்கு, கிழக்கு, மாவட்ட நிர்வாகிகளுக்கான பாராளுமன்ற தேர்தல் குறித்த ஆலோசனைக்கூட்டம் நடைபெற்றது. இதில் கலந்து கொள்ள வந்த கட்சியின் கொள்கை பரப்பு செயலாளர் தங்கதமிழ்செல்வன் நிருபர்களிடம் கூறியதாவது:-

அதிமுக பாராளுமன்ற தேர்தல் கூட்டணி பற்றி பா.ம.க., மற்றும் தே.மு.தி.கவுடன் பேச்சுவார்த்தை நடந்ததாக கூறுகின்றனர். இன்னும் தேர்தலுக்கு மே மாதம் வரை அவகாசம் உள்ளது. ஊடகங்கள் தான் இதை பெரிதுபடுத்தி காட்டுகின்றனர். திமுக தலைவர் மு.க. ஸ்டாலின் ஊராட்சி சபை கூட்டத்தை பொதுமக்களை வைத்து நடத்தாமல், தி.மு.க. தொண்டர்களை வைத்து தான் நடத்தி வருகிறார்.

அ.ம.மு.கவை அமைச்சர் ஜெயக்குமார் லெட்டர்பேடு கட்சி என்கிறார். லெட்டர்பேடு கட்சிக்கு பயந்து தான் குக்கர் சின்னத்தை நீக்க உச்சநீதிமன்றம் வரை சென்றுள்ளனர். அ.தி.மு.க.காரர்களுக்கு திராணி இருந்தால் குக்கர் சின்னத்தை எதிர்த்து போட்டியிடட்டும். குக்கர் சின்னத்தை எதிர்த்து அ.தி.மு.க. போட்டியிட்டால் அனைத்து தொகுதிகளிலும் அ.தி.மு.க. டெபாசிட் இழக்கும்.

இவ்வாறு அவர் கூறினார். #ThangaTamilselvan #AMMK

திண்டுக்கல்:

டி.டி.வி. தினகரனுக்கு ஆதரவு தெரிவித்த 18 எம்.எல்.ஏ.க்கள் பதவி நீக்கம் குறித்த சபாநாயகரின் உத்தரவுக்கு சென்னை ஐகோர்ட்டு மாறுபட்ட தீர்ப்பு வழங்கியது. 3-வது நீதிபதி இவ்வழக்கை விசாரித்து இறுதி தீர்ப்பை வழங்குவார் எனவும் அறிவிக்கப்பட்டது.

இதனிடையே தகுதி நீக்கம் செய்யப்பட்ட 18 எம்.எல்.ஏ.க்களில் ஒருவரான தங்கதமிழ்செல்வன் வழக்கை வாபஸ் பெறப்போவதாக அறிவித்துள்ளார். இது குறித்து மாலைமலர் நிருபருக்கு அளித்த பேட்டியில் கூறி இருப்பதாவது:-

நீதிமன்றத்தில் வழக்கை வாபஸ் பெறுவதில் உறுதியாக இருக்கிறேன். ஏனெனில் 3-வது நீதிபதி அளிக்கும் தீர்ப்பும் எங்களுக்கு சாதகமாக வராது. அரசு சொல்வதைதாத்தான் நீதிமன்றம் கேட்கும் நிலையில் உள்ளது.

எனவே நீதி கிடைக்காது என்ற நம்பிக்கையால் நீதிமன்றத்தின் நடவடிக்கையை நாட விரும்பவில்லை. என்னால் தொகுதி பக்கம் செல்ல முடியவில்லை. கடந்த 9 மாதமாக என் தொகுதி மக்களுக்காக எந்தவித அடிப்படை பிரச்சினைகளையும் தீர்த்து வைக்க முடியவில்லை. எனவே வழக்கை வாபஸ் பெறுவதன் மூலம் இடைத்தேர்தல் வரட்டும். அதில் நிரந்தரமான எம்.எல்.ஏ. வந்து தொகுதி மக்களுக்கு தேவையான பிரச்சினைகளை தீர்த்து வைக்க முடியும்.

எனது இந்த முடிவு என்னுடைய தனிப்பட்ட முடிவுதான். தகுதி நீக்கம் செய்யப்பட்ட மற்ற எம்.எல்.ஏ.க்களின் கருத்து என்ன என்பது எனக்கு தெரியாது.

வழக்கை வாபஸ் பெற்றாலும் நான் தொடர்ந்து டி.டி.வி. தினகரன் அணியில்தான் இருப்பேன்.

இவ்வாறு அவர் கூறினார்.

தங்கத்துரை (நிலக்கோட்டை தனி):-

தங்கதமிழ்செல்வனின் முடிவு அவரது சொந்த விருப்பம். பதவி நீக்கம்தொடர்பாக 18 எம்.எல்.ஏ.க்களும் தனித்தனியாக ஐகோர்ட்டில் மனுக்கள் அளித்து உள்ளோம். அதில் தங்கதமிழ்செல்வம் மட்டுமே வாபஸ் பெறுவதாக அறிவித்து உள்ளார். மற்ற 17 பேரும் டி.டி.வி. தினகரன் சொல்படி நடந்து வருகிறோம்.

வழக்கை வாபஸ் பெற்றாலும் அவரும் எங்கள் அணியில்தான் உள்ளார். எம்.எல்.ஏ பதவியை ராஜினாமா செய்யும் எண்ணம் யாருக்கு இல்லை.

அரசுக்கு எதிராக வாக்களித்த ஓ.பன்னீர்செல்வம் உள்பட 11 எம்.எல்.ஏ.க்களின் மீதான தீர்ப்பு விரைவில் வந்தது. ஆனால் எங்களது வழக்கு இத்தனை காலம் தாமதம் ஆகி உள்ளது. அதுவும் மாறுபட்ட தீர்ப்பாக அமைந்து உள்ளதால் 3-வது நீதிபதி அளிக்கும் தீர்ப்பாவது நல்லதாக நடக்கும் என்று நம்புகிறோம்.

கதிர்காமு(பெரியகுளம்):-

நீதிமன்றத்தின் தீர்ப்பு எங்கள் அணிக்கும், பெரியகுளம் தொகுதி மக்களுக்கும் ஏமாற்றமாக அமைந்து உள்ளது. நான் கடந்த பல ஆண்டுகளாக இதே தொகுதியில் மருத்துவ சேவை ஆற்றி வருகிறேன். சட்டமும் படித்து உள்ளேன். நீதிமன்றத்தின் தீர்ப்பை விமர்சிக்க கூடாது என்றாலும் தற்போது அளிக்கப்பட்டு உள்ளதீர்ப்பு பெரும் விமர்சனத்துக்கு ஆளாகிவிட்டது.3-வது நீதிபதி நல்ல தீர்ப்பை வழங்குவார் என நம்புகிறோம். தொடர்ந்து இந்த தொகுதி மக்களுக்கு சேவையாற்றவே விரும்புகிறேன். தங்கதமிழ்செல்வன் முடிவு குறித்து கருத்து கூற விரும்பவில்லை. #thangatamilselvan #edappadipalanisamy

ஆண்டிப்பட்டி:

ஆண்டிப்பட்டி அருகே நடந்த சாலை விபத்தில் 4 பேர் பலியாகினர். 20-க்கும் மேற்பட்டோர் படுகாயமடைந்து க.விலக்கு அரசு ஆஸ்பத்திரியில் சிகிச்சை பெற்று வருகின்றனர். அவர்களுக்கு அ.ம.மு.க. கொள்கை பரப்பு செயலாளர் தங்கதமிழ்செல்வன் ஆறுதல் கூறினார். அதன் பின் நிருபர்களுக்கு பேட்டியளித்தார். அப்போது அவர் கூறியதாவது:-

கொடைக்கானலில் நடந்த கோடை விழாவின் போது அமைச்சர் சீனிவாசன் முதல்வர் எடப்பாடி பழனிச்சாமி காலில் விழுந்து வணங்கியுள்ளார். முதல்-அமைச்சரும், துணை முதல்-அமைச்சரும் முதுகெலும்பு இல்லாத நிலைக்கு தள்ளப்பட்டுள்ளனர்.

தங்கள் பதவியை காப்பாற்றிக் கொள்வதற்காக யார் காலில் விழுவதைப் பற்றியும் அவர்கள் கவலைப்படுவதில்லை. தமிழக அரசு சிறப்பாக ஆட்சி செய்து வருவதாக முதல்வரும், துணை முதல்வரும் பேசியுள்ளனர்.

மத்திய பா.ஜ.க. அரசிடம் தமிழக நலன்களை அடகு வைக்கவும் துணிந்து விட்டனர். காங்கிரஸ், பா.ஜ.க. ஆகிய இரு கட்சிகளுக்குமே காவிரி மேலாண்மை வாரியம் அமைப்பதில் அக்கறை கிடையாது.

ரஜினிகாந்த் சட்டமன்ற தேர்தலில் 150 இடங்களை பிடிப்பார் என்று உளவுத்துறை மூலம் தகவல் கிடைத்துள்ளதாம். சமுக வலைதளங்களில் பரவும் செய்திகளை வைத்து யாரும் கனவு காண முடியாது. டி.டி.வி. தினகரன் முதல்வர் ஆவார் என்று முன்பே சமூக வலைதளங்களில் வெளியானது.

ஆனால் அதனை நாங்கள் பொருட்படுத்தாமல் மக்கள் பணியில் தீவிரம் காட்டியதால்தான் ஆர்.கே.நகர் தேர்தலில் அமோக வெற்றி பெற முடிந்தது. இந்த வெற்றி மேலும் தொடரும். வரும் சட்டமன்ற தேர்தலில் அதிக இடங்களை பிடித்து உண்மையான அ.தி.மு.க. நாங்கள்தான் என்பதை மக்களுக்கு நிரூபிப்போம்.

நடிகர் கமல்ஹாசனின் விவசாயிகள் கோரிக்கை குறித்த மாநாட்டில் டி.டி.வி. தினகரன் பங்கேற்றார். இந்த கூட்டணி தொடருமா? என்று இப்போது சொல்ல முடியாது. மக்கள் நலன் காக்கும் விவசாயிகளை பாதுகாக்கும் கூட்டணியில் அவரும் நாங்களும் எதிர்காலத்தில் இணைந்தாலும் வியப்பில்லை.

கோவா, மணிப்பூர், திரிபுரா ஆகிய மாநிலங்களில் குறைந்த இடங்களை பிடித்த போதும் பா.ஜ.க. தனது அரசை அம்மாநிலங்களில் ஆட்சியில் அமர்த்தியது. ஆனால் கர்நாடகாவில் அவர்களது சூழ்ச்சியை முறியடித்து காங்கிரஸ் மற்றும் மதசார்பற்ற ஜனதாதளம் ஆட்சியை பிடித்துள்ளது.

கர்நாடகாவில் காங்கிரஸ் ஆட்சியில் இருந்தவரை காவிரி தண்ணீர் தர மாட்டோம் என பிடிவாதமாக கூறி வந்தனர். தற்போது மீண்டும் அந்த கூட்டணிதான் ஆட்சியை பிடித்துள்ளது. இதனால் மத்திய அரசும் உச்சநீதிமன்றமும் அறிவுறுத்தியுள்ளபடி ஆணையத்தை விரைவாக அமைத்து காவிரி நீர் கிடைக்க வழி வகை செய்ய வேண்டும்.

இவ்வாறு அவர் கூறினார்.  #TTVDhinakaran #ThangaTamilSelvan #KamalHaasan