நீங்கள் தேடியது "இடம் ஆய்வு"

திருச்சி:

திருச்சி மாவட்டம் முசிறி தி.மு.க. சட்டமன்ற உறுப்பினரும் திருச்சி தி.மு.க. வடக்கு மாவட்ட செயலாளருமான காடுவெட்டி ந.தியாகராஜன் கடந்த சட்டமன்ற கூட்டத் தொடரில் தொட்டியம் பகுதியில் அரசு மகளிர் கலை மற்றும் அறிவியல் கல்லூரி அமைக்க வேண்டும் என சட்டமன்றத்தில் பேசினார்.

அதன் தொடர்ச்சியாக தொட்டியத்தை அடுத்த மேலக் காரைக்காட்டில் அரசு மகளிர் கலை மற்றும் அறிவியல் கல்லூரி அமைக்க இடம் ஆய்வில் முசிறி சட்டமன்ற உறுப்பினரும் திருச்சி தி.மு.க. வடக்கு மாவட்ட செயலாளருமான காடுவெட்டி ந.தியாகராஜன்,

கல்லூரி கல்வி இணை இயக்குநர் குணசேகரன் மற்றும் பொதுப்பணித்துறை சார்பாக துணை இயக்குனர் கார்த்திக் ஆகியோர் கல்லூரி அமைக்க இடம் குறித்து ஆய்வு செய்தனர்.

இந்த நிகழ்ச்சியில் தொட்டியம் கிழக்கு தி.மு.க. ஒன்றிய செயலாளர் பாலா.ந.திருஞானம், தா.பேட்டை தி.மு.க. ஒன்றிய செயலாளர் பாப்பாபட்டி க.பெரியசாமி, தொட்டியம் ஒன்றிய சேர்மன் கிருஷ்ணவேணி,

தொட்டியம் நகர கழக செயலாளர் எம்.ஏ.ஆர்.விஜய்ஆனந்த், ஒன்றிய கவுன்சிலர்கள் எம்.புத்தூர் கோவிந்தராசு, எல்.ஆர்.எஸ். சுப்பிரமணி, கார்த்திகைப்பட்டி லோகநாதன், மேலக் காரைக்காடு திருப்பதி, மனோகரன் மற்றும் தொட்டியம் ஒன்றிய தி.மு.க. நிர்வாகிகள் கலந்து கொண்டனர்.

ஜோலார்பேட்டை:

திருப்பத்தூர் மாவட்டம் ஜோலார்பேட்டை அடுத்த கட்டேரி கிராமத்தில் தற்போது கிராம நிர்வாக அலுவலகம் இல்லாத நிலை இருந்து வருகிறது.

இங்கு திருப்பத்தூர் தாசில்தார் சிவப்பிரகாசம் உள்ளிட்ட வருவாய் துறை அலுவலர்கள் மேற்படி கிராம நிர்வாக அலுவலகம் அமைக்க இடம் ஆய்வு மேற்கொண்டனர்.

அப்போது 3 சென்ட் சொந்த இடத்தை இலவசமாக வழங்க மாவட்ட கவுன்சிலர் ஜெ.சிந்துஜா ஜெகன் முன்வந்து தாசில்தார் சிவப்பிரகாசத்திற்கு ஒப்புதல் அளித்தார்.

அதன் பேரில் நேற்று தாசில்தார் சிவப்பிரகாசம் கட்டேரி கிராமத்திற்கு சென்று கிராம நிர்வாக அலுவலகம் அமைக்க வழங்க உள்ள இடத்தை பார்வையிட்டு ஆய்வு செய்தார்.

அப்போது மாவட்ட கவுன்சிலர் சிந்துஜா ஜெகன் வழங்க உள்ள இடத்தை காண்பித்து ஒப்புதல் அளித்தார்.

இந்த ஆய்வின் போது கட்டேரி ஊராட்சி மன்ற தலைவர் மாதவன், ஜோலா ர்பேட்டை உள்வட்ட வருவாய் ஆய்வாளர் ரவிமா ராஜன், கிராம நிர்வாக அலுவலர் ராஜா, உட்பட பலர் உடன் இருந்தனர்.