நீங்கள் தேடியது "ஆப்கானிஸ்தான் டெஸ்ட்"

சென்னை:

ஆப்கானிஸ்தான் கிரிக்கெட் அணிக்கு சமீபத்தில் டெஸ்ட் விளையாட ஐ.சி.சி. (சர்வதேச கிரிக்கெட் கவுன்சில்) அங்கீகாரம் அளித்தது.

அந்த அணி தனது அறிமுக டெஸ்டில் இந்தியாவுடன் மோதுகிறது. இந்தியா- ஆப்கானிஸ்தான் அணிகள் மோதும் இந்த டெஸ்ட் போட்டி அடுத்த மாதம் (ஜூன் 4-ந்தேதி) பெங்களூரில் தொடங்குகிறது.

இந்த டெஸ்டில் இருந்து இந்திய அணி கேப்டன் விராட்கோலி விலகியுள்ளார். அவருக்கு பதிலாக ரகானே கேப்டனாக செயல்படுவார். ஆப்கானிஸ்தானுக்கு எதிரான டெஸ்டில் விளையாடும் இந்திய அணி வீரர்கள் ஏற்கனவே அறிவிக்கப்பட்டுவிட்டனர்.

அணியில் இடம் பெற்று இருந்த விக்கெட் கீப்பர் விரித்திமான் சகா ஐ.பி.எல். போட்டியின் போது காயம் அடைந்தார். கொல்கத்தாவுக்கு எதிரான ‘குவாலிபையர் 2’ ஆட்டத்தில் அவருக்கு பெருவிரலில் காயம் ஏற்பட்டது. இதனால் அவர் சென்னைக்கு எதிரான இறுதிப்போட்டியில் ஆடவில்லை.

காயம் காரணமாக ஆப்கானிஸ்தானுக்கு எதிரான டெஸ்டிலும் ஆடுவது சந்தேகம். இதனால் அவர் இடத்தில் சென்னையை சேர்ந்த தினேஷ் கார்த்திக் இடம் பெற வாய்ப்பு இருப்பதாக கூறப்படுகிறது.

தினேஷ் கார்த்திக் ஐ.பி.எல். போட்டியில் கொல்கத்தா அணி கேப்டனாக சிறப்பாக செயல்பட்டார். அவரது பேட்டிங்கும், விக்கெட் கீப்பிங்கும் நன்றாக இருந்தது. இதனால் அவர் அணி இடம் பெறுவதற்கான வாய்ப்பில் அதிகமாக இருக்கிறார். ஐ.பி.எல்.லில் அவர் 498 ரன் எடுத்தார்.

தினேஷ் கார்த்திக் கடைசியாக 2010-ம் ஆண்டு வங்காளதேசத்துக்கு எதிரான டெஸ்டில் விளையாடி இருந்தார்.

இதேபோல பார்த்தீவ் படேலும் வாய்ப்பு இருக்கிறார். விரித்திமான் சகா இடத்தில் இடம் பெற இருவருக்கும் இடையே கடும் போட்டி நிலவுவதாக கூறப்படுகிறது.#DineshKarthik #WriddhimanSaha #AfghanistanTest

இந்திய டெஸ்ட் அணியின் விக்கெட் கீப்பராக செயல்பட்டு வருபவர் விருத்திமான் சகா. இவர் ஐபிஎல் தொடரில் சன்ரைசர்ஸ் ஐதராபாத் அணிக்காக விளையாடி வருகிறார். குவாலிபையர் 2-ல் கொல்கத்தா நைட் ரைடர்ஸ் அணியை எதிர்த்து சன்ரைசர்ஸ் ஐதராபாத் விளையாடியது. அப்போது பேட்டிங் செய்து கொண்டிருக்கும்போது ஷிவம் மவி வீசிய பந்து சகாவின் கை பெருவிரலை பலமாக தாக்கியது. இதில் அவரின் விரலில் முறிவு ஏற்பட்டது.



இந்த காயம் குணமடைய ஐந்து முதல் 6 வாரம் வரை ஆகும் என தெரிவிக்கப்பட்டுள்ளது. இதனால் ஆப்கானிஸ்தான் டெஸ்டில் சகா விளையாடமாட்டார் எனத் தெரிகிறது. இதுகுறித்து அதிகாரப்பூர்வ தகல் விரைவில் வெளியாகும். ஒருவேளை காயம் குணமடைய 6 வாரங்கள் தேவைப்பட்டால் இங்கிலாந்து தொடரிலும் விளையாடுவது சந்தேகம்தான்.